• Home
    • ›

    Նոտարը հրաժարվում է ժառանգության վկայական տալ

    AnnaSimonyan
    in ՀՀ վարչարարության հիմունքները և վարչական վարույթ

    Դիմել ենք նոտարին, հայտնել ենք, որ ընդունել ենք ծնողիս ժառանգությունը, սակայն նոտարը հրաժարվում է տրամադրել ժառանգության վկայական:

    Կարո՞ղ ենք արդյոք վարչական վարույթի շրջանակներում նոտարի մերժումը վերադասության կարգով բողոքարկել արդարադատության նախարարին, թե՞ պետք է դիմենք նոտարի գտնվելու վայրի առաջին ատյանի դատարան:

    Comments

    • ArturHovhannisyan
      edited January 2016

      Հարգելի Աննա

      Համաձայն
      «Նոտարիատի մասին» ՀՀ օրենքի 20-րդ հոդվածի 1-ին մասի՝       Անձը, որի շահերը
      շոշափում է նոտարի գործողությունը կամ անձը,
      որին մերժվել է նոտարական գործողություն կատարելը      , կարող է կատարված նոտարական
      գործողությունը կամ նոտարական գործողության կատարումը մերժելը բողոքարկել դատարան:

      Այսինքն,
      նշված դեպքում Դուք նոտարի կողմից նոտարական գործողության կատարման մերժումը պետք է
      բողոքարկեք ոչ թե ՀՀ արդարադատության նախարարին, այլ՝ դատարան: Ընդ որում՝ ոչ թե ընդհանուր
      իրավասության առաջին ատյանի դատարան, այլ՝ ՀՀ վարչական դատարան:

      Ուշադրություն
      դարձրեք վերջնաժամկետներին, քանի որ համաձայն ՀՀ վարչական դատավարության օրենսգրքի
      220-րդ հոդվածի 3-րդ մասի՝       Նոտարական գործողության կատարման մերժումը կարող է վիճարկվել
      երեք ամսվա ընթացքում այն օրվանից
      հետո, երբ նոտարը կայացրել է նոտարական գործողության մերժման մասին որոշում, իսկ նման
      որոշում չկայացնելու դեպքում` այդ որոշման կայացման համար օրենքով նախատեսված ժամկետն
      ավարտվելու օրվանից հետո:

    • AnnaSimonyan
      Շնորհակալություն
    Sign In or Register to comment.