• Home
    • ›

    արդյոք պարտադիր է վարչական վարույթ իրականացնել

    AniMovsisyan
    in ՀՀ վարչարարության հիմունքները և վարչական վարույթ
    Հարգելիներս, կասեք Ձեր կարծիքը
    Համաձայն Հարկերի մասին օրենքի 29,1 հոդվածի Հարկային պարտավորությունների գծով գումարների վճարումը սահմանված ժամկետից ուշացնելու դեպքում հարկային մարմինը կամ տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս: Նշված որոշումը կայացնելու համար արդյոք Տեղական իրնքնակառավարման մարմինը պարտավոր չէ իրականացնել վարչական վարույթ և դրան մասնակից դարձնել հարկային պարտավորությունները չկատարած անձին

    Comments

    • ArturHovhannisyan
      edited January 2016
      Կարծում եմ, որ ոչ, պարտավոր չէ, քանի որ «Հարկերի մասին» ՀՀ օրենքի 2-րդ հոդվածի համաձայն Հայաստանի Հանրապետությունում հարկային հարաբերությունները կարգավորվում են`

      ա) հարկային օրենսդրությամբ, որը բաղկացած է սույն օրենքից և առանձին հարկատեսակների մասինօրենքներից:

      Իսկ «Վարչարարության հիմունքների և վարչական վարույթի մասին» ՀՀ օրենքի 2-րդ հոդվածի 3-րդ մասի՝Առանձին տեսակի վարչական վարույթների առանձնահատկությունները սահմանվում են օրենքներով և Հայաստանի Հանրապետության միջազգային պայմանագրերով։

      Ուստի Հարկերի մասին ՀՀ օրենքի 29.1-րդ հոդվածով նախատեսված որոշման ընդունման համար, քանի որ Հարկերի մասին օրենքով նախօրոք որևէ վարույթի իրականացում նախատեսված չէ, ուրեմն առանց դրա կարող էր ընդունվել այդ որոշումը: 

      Բացի այդ, կարծում եմ դա բխում է նաև նրանից, որ վարչական մարմինը նման որոշման կայացումից հետո հետևում է անձի գույքի վրա արգելանք դնելը: Իսկ եթե վարչական մարմինը մինչ այդ վարույթ իրականացներ և կողմից կանչեր, ապա կողմն օբյեկտիվորեն հնարավորություն կունենար իր ֆինանսական միջոցները տեղափոխելու, որպեսզի հետագայում արգելանք կիրառելիս խնդիրներ չունենան: Ուստի, կարծում եմ, տրամաբանություն ևս կա, որ այդ որոշման կայացումից առաջ վարչական վարույթ չի իրականացվում: 

    Sign In or Register to comment.