Մարիամ Կարապետյան

Mariam

Մայրս աշխատել է 25տարի , որից  15 տարին աշխատել է Նաիրիտ գործարանում առանձնապես վնասակար և ծանր պայմաններում: Սակայն, չիմացության պատճառով կենսաթոշակային մարմնին չի ներկայացրել է այդ համգամանքը հաստատող փաստաթուղթը և սովորական պայմաններով ստացել է կենսաթոշակ: Հետագայում մայրս  դիմել է կենսաթոշակային մարմնին, վերստին վերանայելու իր փաստաթղթերը և ավելացնելու թոշակը, սակայն ենսաթոշակային մարմինը մերժել է դիմումի ընդունումը և հրաժարվում են ավելացնել  կենսաթոշակի գումարի չափը: Խնդրում եմ ասել նման իրավունք ունեն պետական մարմինները՝  եթե մայրս ունեցել է արտոնյալ պայմաններ...

LianaBalyan

Հարգելի Մարիամ Կարապետյան

<Վարչարարության հիմունքների և վարչական վարույթի մասին>ՀՀ Օրենքի  71-րդ հոդվածի  1-ին և  2-րդ մասերը սահմանել են, թէ որ դեպքերում է վարչական ակտն անբողոքարկելի: Օրենքը միաժմանակ հնարավորություն է տվել, որ շահագրքիռ անձը դիմի համապատասխան արչական մարմնին՝ վերջինիս կողմից ընդունված և անբողոքարկելի դարձած վարչական ակտը փոփոխելու կամ ուժը կորցնելու նպատակով վարչական վարույթը վերսկսելու խնդրանքով (Օրենքի 5-րդ հոդվածի  1-ին մաս): Ձեր դեպքում Դուք իրավունք ունեք վարչական մարմնին դիմում ներկայացնել, քանի որ ի հայտ են եկել վարչական ակտի համար էական նշանակություն ունեցող այնպիսի նոր հանգամանքներ, որոնք հայտնի չեն եղել Ձեզ և իրենից անկախ հանգամանքներով կենսաթոշակ նշանակող մարմնին վնասակար կամ առանձնապես ծանր պայմաններում աշխատելը հաստատող փաստաթուղթ չի ներկայացվել: Նման պայմաններում կենսաթոշակ նշանակող մարմինը առկա փաստաթղթերի հիման վրա կենսաթոշակ է նշանակել սովորական պայմաններով: Եվ քանի որ հետագայում Ձեզ հայտնի է դարձել արտոնյալ պայմանների առկայության հանգամանքը, որի հիման վրա Ձեր մայրը իրավունք ունի դիմելու նույն մարմնին՝ վարույթը վերսկսելու և արտոնյալ պայմաններով կենսաթոշակի իրավունքը հաստատող փաստաթուղթ ստանալու համար: Վարչական մարմինը պարտավոր է որոշում կայացնել՝ շահագրգիռ անձի դիմումն ստանալուց հետո և վարչական վարույթը պետք է վերսկսվի: Վարույթը վերսկսելու արդյունքում կենսաթոշակային մարմինը պետք է փոփոխություններ կատարի ավելի վաղ ընդունված վարչական ակտում կամ էլ անվավեր կամ ուժը կորցրած ճանաչել նախկին ակտը՝ ընդունելով նոր ակտ:

Mariam

Շատ շնորհակալ ենք լիարժեք պատասխանի համար...