• Home
    • ›

    Ապացույցներ

    Mariam
    in ՀՀ վարչական դատավարություն
    Ես հայցով դիմել եմ ՀՀ Վարչական դատարան և միջնորդել եմ, որպես ապացույց դիտել նախկինում կողմերիս միջև արդեն իսկ դատավարությամբ կայացված վճիռը:Վճիռը 2013թվականին օրինական ուժի մեջ է մտել: Իմ համար շատ կարևոր է վճռով  փաստերը և հանգամանքները ապացույց ճանաչելը, որովհետև այսօր պատասխանողը դատարանին է ներկայացնում հակառակ և անհիմն փաստարկներ:Սակայն, դատարանը մերժեց իմ միջնորդությունը: Արդյոք ճիշտ վարվեց դատարանը...?

    Comments

    • LianaBalyan
      ՀՀ Վարչական դատավարության օրենսգրքի 30 հոդվածի համաձայն հանրահայտ փաստերն ապացուցման կարիք չունեն: Նախկինում քննված քաղաքացիական կամ վարչական գործով դատարանի` օրինական ուժի մեջ մտած` գործն ըստ էության լուծող դատական ակտով հաստատված փաստերը միևնույն կողմերի մասնակցությամբ սույն օրենսգրքով նախատեսված որևէ գործ քննելիս վերստին ապացուցման կարիք չունեն: Ապացուցման կարիք չունեն այն փաստերը, որոնք հակառակ կողմը չի վիճարկում, բացառությամբ այն դեպքի, երբ դատարանը համարում է, որ դրանց ապացուցումն անհրաժեշտ է:
    • Mariam
      Բայց վճիռը, որ ցանկանում էի դատարանին որպես ապացույց ներկայացնել կայացվել է քրեական գործով այլ ոչ թէ քաղաքացիական, դա նշանակություն չունի?
    • LianaBalyan
      Քրեական գործով օրինական ուժի մեջ մտած դատավճիռը ՀՀ Վարչական դատավարության օրենսգրքով նախատեսված որևէ գործ քննելիս պարտադիր է դատարանի համար միայն այն փաստերով, որոնցով հաստատված են որոշակի գործողությունների կատարումը և դրանք կատարած անձինք:
    • Mariam
      Շնորհակալություն հարգելի Լիանա Բալյան
    Sign In or Register to comment.