Վճարման կարգադրություն

Viktoria

Բարև Ձեզ ես ՀՀ Վարչական դատարանից ստացել եմ ՀՀ Ճանապարհային ոստիկանության հայցն ըննդեմ ինձ` 50 000 ՀՀ դրամ վճարելու մասին վճարման կարգադրություն արձակելու պահանջի մասին: Խնդրում եմ ասեք, ես ինչ պետք է անեմ?

LianaBalyan

Ֆիզիկական և իրավաբանական անձից վարչական ակտի հիման վրա որոշակի դրամական գումարներ բռնագանձելու նպատակով վարչական մարմինը հայցով դիմում է դատարան՝ ստանալու վճարման կարգադրություն:   Վճարման կարգադրություն ստանալու հայցադիմումը, ի լրումն օրենքով հայցադիմումին ներկայացվող պահանջների, պետք է նաև ներառի պահանջ վճարման կարգադրություն արձակելու մասին:   Հայցադիմումին պետք է կցվի բռնագանձումը հիմնավորող վարչական ակտը:   Դատավորը հայցադիմումը ստանալու օրվանից հետո` երկշաբաթյա ժամկետում, կարող է`   1) արձակել վճարման կարգադրություն.   2) ամբողջովին մերժել վճարման կարգադրություն արձակելու հայցադիմումը կամ մասամբ մերժել այն` մյուս մասով արձակելով վճարման կարգադրություն:   Պատասխանողը կարող է վճարման կարգադրությունն ստանալու օրվանից հետո` 2 շաբաթվա ընթացքում ներկայացնել հակընդդեմ հայց:   Դատարանը վճարման կարգադրության վարույթից անցում է կատարում հայցային վարույթի, եթե պատասխանողը հակընդդեմ հայց է ներկայացրել: Այս դեպքում վճարման կարգադրությունը վերանում է:   Եթե դատարանը պատասխանողի կողմից վճարման կարգադրության ստացման մասին հետադարձ ծանուցումն ստանալու օրվանից կամ պատշաճ ծանուցումից հետո` 2 շաբաթվա ընթացքում, դատարանը հակընդդեմ հայց չի ստանում, ապա վճարման կարգադրությունն ստանում է օրինական ուժի մեջ մտած` գործն ըստ էության լուծող դատական ակտի ուժ և ենթակա է հարկադիր կատարման:   Դատարանը հայցվորի պահանջով վճարման կարգադրության մասին հայցադիմումի հիման վրա տալիս է կատարողական թերթ:   

 

Viktoria

Շնորհակալություն