Սիրունյան Գոռ

Gori

Բարև Ձեզ. ՀՀ Վարչական դատարանից ստացել եմ ծանուցագիր, որպես վկա ներկայանալու համար: Խնդրում եմ ասեք, ես կարող եմ չգնալ վարչական դատարան և վկայություն չտալ և եթե չգնամ, ես ինչ պատասխանատվության կենթարկվեմ?

LianaBalyan

Բարև Ձեզ հարգելի Գոռ Սիրունյան. Դուք պարտավոր եք որպես վկա գնալ ՀՀ Վարչական դատարան և տալ վկայություն. ՀՀ Վարչական դատավարության օրենսգրքի 34  հոդվածի համաձայն

1. Վկան դատարան է կանչվում դատական ծանուցման համար սույն օրենսգրքով սահմանված կարգին համապատասխան։ Ծանուցագրում նշվում են դատարան չներկայանալու իրավական հետևանքները։ 

2.Վկան պարտավոր է ներկայանալ դատարան դատարանի կանչով։ Եթե սահմանված կարգով ծանուցված վկան չի ներկայանում դատական նիստին, ապա դատարանը կարող է վկային բերման ենթարկելու որոշում կայացնել` նրա վրա դնելով չներկայանալու հետևանքով առաջացած ծախսերը։ Միևնույն ժամանակ նրա նկատմամբ կարող է նշանակվել դատական տուգանք` սույն օրենսգրքի 101-րդ հոդվածով սահմանված կարգով։

3.  Դատական տուգանքի նշանակումը և ծախսերի հատուցման պարտականություն դնելը, ինչպես նաև բերման ենթարկելու մասին որոշումը վերացվում են, եթե վկան ապացուցում է, որ նա ժամանակին չի ստացել ծանուցումը, կամ նրա բացակայության պատճառը հարգելի է եղել։