• Home
    • ›

    Բողոքս վերահասցեագրել են

    ArtakBaghdasaryan
    in ՀՀ վարչարարության հիմունքները և վարչական վարույթ
    Բարև Ձեզ, ես բողոք էի ուղարկել ՀՀ արդարադատության նախարարություն, բայց պատասխան եմ ստացել, որ նամակս վերահասցեագրել են ՀՀ ոստիկանություն: Հիմա ես ի՞նչ անեմ, սպասեմ, որ ոստիկանությունը պատասխանի, թե նույն բողոքից մեկ հատ էլ ուղարկեմ ոստիկանություն: 
    Կամ արդյո՞ք Արդարադատության նախարարությունը իրավունք ուներ նման կերպ վարվել:

    Comments

    • ArturHovhannisyan
      edited October 2015
      Բարև Ձեզ հարգելի Արտակ Բաղդասարյան
      Պետք չէ նորից դիմել ՀՀ ոստիկանություն, քանի որ ՀՀ արդարադատության նախարարության կողմից վերահասցեագրված դիմումը արդեն իսկ բավարար է ՀՀ ոստիկանության համար, որպեսզի Ձեր դիմումին ընթացք տրվի:
      Ինչ վերաբերվում է ՀՀ արդարադատության նախարարությանը, ապա, այո, վերջինս իրավունք ուներ նման կերպ վարվել, քանի որ, հավանաբար, Նախարարությունը չէր այն պատշաճ վարչական մարմինը, որը կարող էր դրան ընթացք տալ: Եթե ուշադիր նայեք նախարարության գրությանը, ապա դրա վրա պետք է որ նշում լինի. «Համաձայն «Վարչարարության հիմունքների և վարչական վարույթի մասին» ՀՀ օրենքի 33-րդ հոդվածի 1-ին մասի, Ձեր դիմումը վերահասցեագրվել է............»: Նշված օրենքի 33-րդ հոդվածի 1-ին մասի համաձայն՝ Եթե դիմումը ներկայացվել է ոչ իրավասու վարչական մարմին, ապա դիմումն ստացած վարչական մարմինը եռօրյա ժամկետում դա վերահասցեագրում է իրավասու վարչական մարմին` ծանուցելով դիմողին:

    • ArtakBaghdasaryan
      Շնորհակալ եմ, ճիշտ է, ուշադրություն չէի դարձրել այդ հոդվածին, որովհետև միայն հոդված էր մատնանշված, չէր երևում, թե ինչի համար էր վերահասցեագրվում: Հիմա արդեն հասկանալի է:
    Sign In or Register to comment.