ՀՀ Փաստաբանների Պալատ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻ 30 ՓԱՍՏԱԲԱՆԻ ԿՏՐԱՄԱԴՐՎԻ «ՓԱՍՏԱԲԱՆ ԵԶԵԳԵԼՅԱՆ» ԹՈՇԱԿ

28.09.2016 17:56

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻ 30 ՓԱՍՏԱԲԱՆԻ ԿՏՐԱՄԱԴՐՎԻ «ՓԱՍՏԱԲԱՆ ԵԶԵԳԵԼՅԱՆ» ԹՈՇԱԿ

     Հարգելի փաստաբաններ,

Ֆրանսիայի Հանրապետության քաղաքացի, ՀՀ փաստաբանների պալատի պատվավոր անդամ, բարերար Ռայմոն Եզեգելյանի և Հայաստանի Հանրապետության փաստաբանների պալատի միջև շարունակական համագործակցության շրջանակներում՝ Ռայմոն Եզեգելյանի կողմից տրված նվիրաբերության գումարից կանխավճարի կարգով կվճարվի ՀՀ փաստաբանների պալատի նախագահի կողմից սահմանած կարգով որոշված ևս 30 (երեսուն) փաստաբանի մեկ տարվա անդամավճարները:

Նշված նախաձեռնության կապակցությամբ ՀՀ փաստաբանների պալատի նախագահի 28.09.2016թ․ թիվ 416-Լ որոշմամբ հաստատվել է «30 փաստաբանի «Փաստաբան Եզեգելյան» թոշակ տրամադրելու մասին» կարգը, համաձայն որի` շահառուներ կարող են լինել Հայաստանի Հանրապետության յուրաքանչյուր մարզից երեքական փաստաբան, որոնց թեկնածությունը ներկայացնում է մարզի համակարգողը, իսկ եթե համակարգող ընտրված չէ, ապա՝ նախկին մարզային համակարգողը, հաշվի առնելով՝ թեկնածուի նյութական դրությունը, թեկնածուներին մարզի տարբեր քաղաքներից կամ բնակավայրերից ներգրավվելու անհրաժեշտությունը և կարգի 10-րդ կետում նշված հանգամանքները։

Կարգին համապատասխան որոշված ընդհանուրը 30 շահառուներին կտրվեն համապատասխան հավաստագրեր։



Առաջարկվող նորություններ


Բեռնել

Վերադառնալ