Հարգելի փաստաբաններ,

     Հայաստանի Հանրապետության փաստաբանների պալատի և Փարիզի փաստաբանների միության միջև առկա համագործակցության շրջանակներում այս տարի ևս Հայաստանից 1 կամ 2 փաստաբան հնարավորություն կունենա մասնակցել Փարիզում անցկացվող երկամսյա դասընթացին, որի ընտրական փուլը սկսված է:

     Մրցույթին մասնակցելու համար կարող են դիմել անգլերենի գերազանց իմացությամբ այն փաստաբանները, ում տարիքը չի գերազանցում 40 տարեկանը և ում փաստաբանական գործունեության արտոնագրի գործողությունը դիմելու պահին կասեցված չէ:

     Դասընթացն անց է կացվելու 2017 թվականի մայիս-հուլիս ամիսներին:

     Փարիզում բնակվելու և ճանապարհի բոլոր ծախսերը պետք է հոգա անձամբ փաստաբանը: Հնարավոր է նաև որոշակի ֆինանսական աջակցության և/կամ կացարանի տրամադրումը:

     Մրցույթի մասնակցության համար [email protected] էլեկտրոնային փոստի հասցեին անհրաժեշտ է ուղարկել մասնակցության հայտ' մինչև 2017 թվականի ապրիլի 10-ը ներառյալ: Հայտին պետք է կցել ինքնակենսագրական (CV) հայերեն և անգլերեն: