ՀՀ փաստաբանների պալատում թվով 110 փաստաբաններ և փաստաբանական դպրոցի ունկնդիրներ ստացել են ԱՄՆ դեսպանատան կողմից կազմակերպված վերապատրաստումների մասնակցության վկայագրեր:

ՀՀ փաստաբանների պալատի, ՀՀ փաստաբանական դպրոցի և ՀՀ-ում ԱՄՆ դեսպատանատան համագործակցության արդյունքում ՀՀ փաստաբանների պալատում 2019թ․ ապրիլ-մայիս ամիսներին տեղի էին ունեցել վերապատրաստման դասընթացներ: Այն կազմակերպել էին ԱՄՆ պետական դեպարտամենտի թմրադեղերի դեմ միջազգային պայքարի և իրավապահ համագործակցության բյուրոն, Միացյալ Թագավորության Նոթինգեմի Թրենթի համալսարանի իրավագիտության դպրոցը՝  Երևանի պետական համալսարանի իրավագիտության ֆակուլտետի հետ համատեղ: Վերապատրաստումներն իրականացվել են ՀՀ փաստաբանական դպրոցի Միացյալ Նահանգների դեսպանության հովանավորության ներքո:

Այս շրջանակներում իրականացվել է դասընթացներ, որոնք նվիրված են եղել  անչափահասների արդարադատությանը, մինչդատական (նախնական) կալանքին, կոռուպցիայի դեմ պայքարին,  կոռուպցիայի ազդարարմանը, մարդու իրավունքների միջազգային պաշտպանությանը, փաստաբանների վարքագծի կանոնագրքերին վերաբերող միջազգային չափանիշներին, փաստաբանների էթիկային, օտարերկրյա փորձին: 

Ողջույնի խոսքով հանդես է եկել ՀՀ փաստաբանների պալատի նախագահ Արա Զոհրաբյանը, ՀՀ փաստաբանական դպրոցի տնօրեն՝ Սիմոն Բաբայանը, Ամերիկայի Միացյալ Նահանգների դեսպանատան ներկայացուցիչ Մայքլ Շուլմանը:

Ըստ Մայքլ Շուլմանի, այս ծրագրի նպատակն իրավունքի գերակայությունը դարձնել ավելի թափանցիկ: Եթե չլինի փաստաբանների ուժեղ ներուժը, ոչ մի երկրում իրավունքի գերակայությունը չի կարող զարգանալ:

Վերջինս հայտնել է, որ այս ծրագիրը շարունակական է լինելու և ավելանալու է ծրագրին մասնագետների ընդգրկվածությունը: