• Home
    • ›

    Հայցի փոփոխում

    Haykaz
    in ՀՀ վարչական դատավարություն
    Բարև Ձեզ. Վարչական դատարանում հակընդդեմ հայց եմ ներկայացրել ընդդեմ ՀՀ Ճանապարհային ոստիկանություն ծառայության` վարչական տույժ նշանակելու մասին որոշումը վերացնելու  և որոշումը ոչ իրավաչափ ճանաչելու պահանջի մասին: Սակայն, կարիք է առաջացել դատարանում փոփոխել հակընդդեմ հայցի հիմքը և հրաժարվել իմ երկրորդ պահանջից:  Խնդրում եմ ասեք, հնարավոր է փոփոխել հայցի հիմքը,ինչ ժամկետներ են նախատեսված, և հրաժարվել երկրորդ պահանջից:
    Կանխավ շնորհակալ եմ

    Comments

    • LianaBalyan
      Բարև Ձեզ հարգելի Հայկազ
      Այո դուք կարող եք փոփոխել հայցի հիմքն ու առարկան, այսինքն, համաձայն  ՀՀ Վարչական դատավարության օրենսգրքի 88 հոդվածի հայցվորը հայցի հիմքը և (կամ) առարկան կարող է փոփոխել նախնական դատական նիստի ընթացքում կամ դատաքննություն նշանակելու մասին վարչական դատարանի որոշումը ստանալուց հետո՝ յոթնօրյա ժամկետում:  
      Հայցից կարող եք հրաժարվել գործի նախապատրաստական փուլում և հետագայում կրկին դիմել դատարան: Հայցից հրաժարվելու դեպքում դատարանը կայացնում է գործի վարույթը կարճելու մասին որոշում: ՀՀ Վարչական դատավարության 97 հոդվածի համաձայն` Գործի վարույթը կարճելու դեպքում նույն անձանց միջև նույն առարկայի մասին և միևնույն հիմքերով վեճի վերաբերյալ չի թույլատրվում կրկին դիմել վարչական դատարան, բացառությամբ այն դեպքերի, երբ հայցվորը հայցից հրաժարվել է դատաքննության նախապատրաստական փուլում, կամ գործի վարույթը կարճվել է սույն օրենսգրքի 96-րդ հոդվածի 1-ին մասի 8-րդ կետով նախատեսված հիմքով:
    • Haykaz
      Շատ շնորհակալ եմ
    Sign In or Register to comment.