ունեմ չծանուցվաց դահկ որոշում, չծանուցված ՃՈ ակտի վերաբերյալ,

Վազգեն

տեղեկացել եմ կալանքի մասին բանկից, չեմ ծանուցվել ոչ ՃՈ-ից, ոչ Դահկ-ից,  ՃՈ-ի  դիմումի պատասխանում նշված է որ նամակները հանձնված է եղել ''ՀԱՏՈՒԿ ԿԱՊ'' ընկերությանը, որը ինձ չի ծանուցել... Հայփոստի նամակները բոլորը միշտ ստացել եմ, բնակության վայրս չեմ փոխել.  չնածուցման պատճառ կարող է լինել միայն "ՀԱՏՈՒԿ ԿԱՊ"-ի անպատասխանատու աշխատանքը:  կցանկանաի իմանալ ինչ քայլեր ձեռնարկեմ ...

ArturHovhannisyan

Եթե խախտումը իրոք կատաել եք, և այդ փաստը չեք վիճարկելու, ապա դիմեք ԴԱՀԿ ծառայություն՝ հայտնելով, որ վարչական ակտի մասին չեք ծանուցվել, և հետևաբար չկա Ձեր կողմից նշված ակտի մասին ծանուցված լինելը հավաստող փաստաթուղթ: ԴԱՀԿ-ն պարտավոր է կարճել կատարողական վարույթը և հանել արգելանքը, եթե ՃՈ կողմից ԴԱՀԿ ներկայացված ակտին կից չի ներկայացվել այդ ակտի մասին սահմանված կարգով իրազեկելը կամ հասցեատիրոջը հանձնելը կամ այլ կերպ պատշաճ ծանուցելը, ինչպես նաև ուժի մեջ մտնելը և անբողոքարկելի դառնալը հավաստող ապացույցները (Վարչարարության հիմունքների և վարչական վարույթի մասին» ՀՀ օրենքի 88-րդ հոդվածի 4-րդ մաս, ինչպես նաև «Դատական ակտերի հարկադիր կատարման մասին» ՀՀ օրենքի 42-րդ հոդվածի 1-ին մասի 14-րդ կետ):

Վազգեն

խախտումը կատարվել է 31,03,21014 թվականին, դահկ-ից վերցրել եմ ՃՈ-ից ուղարկված գրության պատճենը, այնտեղ նշված է անբողոքարկելի դարնալու փաստը և ժամկետը. միևնույն ժամանակ ՃՈ-ից հայտնում են, որ իրենք տեսնում են որ  չեմ ծանուցվել, այդ պատճառով հարկադիր է ուղարկվել միայն մայր գումարի պահանջը:կից ներկայացնւմ եմ պատճեի  նկարը

կցանկանաի իմանալ .

1 պատասխանատվություն կրում է ԴԱՀԿ-ն ինձ չծանուցելու համար, և արդյոք դա կալանքը վերացման պատճառ կարող է լինել. ?

2 պատասխանատվություն կրում է  "Հատուկ Կապ" ՓԲԸ-ն իր անպատասխանատու աշխատանքի և ինձ չծանուցելու համար... և եթե այո, ապա ինչպիսին այն կարող է լինել, և ինչ պահանջ կարող եմ ներկայացնել. ? 

3 պատասխանատվություն կրում է  ՃՈ-ն  ծանուցման միջոցի ընտրության և պատշաճ որակի ապահովման հարցում ?

4 պատասխանատվություն կրում է ՃՈ-ն  իմ չծանուցված լինելու հանգամանքում  ակտն անբողոքարկելի դարձնելը 

Վազգեն

https://drive.google.com/open?id=0B0DWNbyA0XZSOVNDMkRTOFVqbVU

ArturHovhannisyan

1. ԴԱՀԿ-ն պարտավոր էր արգելանք դնելու որոշումը եռօրյա ժամկետում ուղարկել Ձեզ, բնականաբար, փաստացի արգելանք դնելով գույքի վրա: Սակայն այս ժամկետը խախտելն ինքնին արգելանքի վերացման հիմք չէ

2.Հատուկ կապը ևս պատասխանատու չէ, քանի որ, եթե իրականում չեք ծանուցվել, դա նշանակում է, որ նշված ակտը ուժի մեջ չի մտել, այն մտնում է ստանալուն հաջորդող օրը:

3. ՃՈ կողմից Ձեզ պատշաճ չծանուցելու միակ հետևանքը այն է, որ այդ իրավական ակտը ուժի մեջ չի մտնում, մինչև Ձեր կողմից դրա մասին չտեղեկանալը, և սահմանված ժամկետում այն չվճարելը չի ավելացնում տուգանքի չափը 30 կամ 50 տոկոսով: 

4. Փաստորեն ակտն անբողոքարկելի չի դարձել, քանի որ այն ուժի մեջ մտնելուց (Ձեր կողմից ծանուցվելուց) հետո չի անցել ակտը վիճարկելու ժամկետը, ուստի ՃՈ-ն չպիտի այն ուղարկեր ԴԱՀԿ:

Կարող եք վիճարկել ՃՈ գործողությունները, առ այն, որ ակտը անբողոքարկելի չի դարձել, բայց ուղարկվել է ԴԱՀԿ, սակայն դրանով արգելանքը չի հանվի:

Կարող եք դիմել ԴԱՀԿ գործը կարճելու հիմքով, ասելով, որ ակտեը անբողոքարկելի չի դարձվել, իրենք էլ են կորղանում տեսնել, որ Դուք չեք ծանուցվել: Սակայն միևնույն է հետագայում պարտավոր եք լինելու վճարել: Այս դեպքում, նաև դրականն այն է, որ չեք վճարի ԴԱՀԿ վճարը:

Ամենաարագ տարբերակը, հաշվի առնելով էլ այն, որ 50 տոկոսով չի ավելացել տուգանքը, դա այն հիմա վճարելն է: Այս տարբերակի վատն այն է, որ կպահանջեն նաև ԴԱՀԿ վճարը:

ArturHovhannisyan

Ձեր վերը նշված փաստաթղթում գրված է՝ որոշման ստացման ամսաթիվը 15.05.2014, բայց փաստորեն, չկա ապացույց, որ Դուք այդ օրը որոշում եք ստացել: Սա բավարար է ԴԱՀԿ-ի համար, որ կարճի վարույթը:

avsargis

Բարև Ձեզ
Նախ շնորհակալ եմ այսպիսի հնարավորություն ստեղծելու համար:
Հարցս
1. Ճանապարհային ոստիկանության վարչական տուգանք նշանակելու մասին որոշումը բողոքարկել եմ վարչական դատարանում: Դատարանը որոշում է կայացրել չեղյալ հայտարարել ՃՈ-ի որոշումը: Այն անփոփոխ է թողել նաև Վերաքննիչ դատարանը:
Հարց՝ ինչպես կարող եմ 1 տարի ձգված այս քաշքշուկի համար ճանապարհային ոստիկանությունից բարոյական և ֆինանսական փոխհատուցում պահանջել:
2. Նամակով դիմել եմ ՀՀ Ոստիկանապետին, մեղավորներին կարգապահական կամ այլ տույժի ենթարկելու համար, սակայն նամակս ուղարկվել է նորից Ճանապարհային ոստիկանություն քննարկման, որոնք էլ հրաժարվել են որևէ տույժի ենթարկել իրենց աշխատակիցներին, ասելով, որ անտեղի վարչական տուգանքի ենթարկելը որևէ կարգապահական տույժ կիրառելու հիմք չի: Ինչպես վարվեմ ես:
Կանխավ շնորհակալություն

ArturHovhannisyan

Նման դեպքերում բարոյական փոխհատուցում նախատեսված չէ: Դուք կարող էիք որպես դատական ծախս ներկայացնել փաստաբանի վճարը, եթե իհարկե գործին մասնակցել եք ներկայացուցչի միջոցով:

Ոչ նյութական վնասի հատուցում հնարավոր կլիներ, եթե ոչ իրավաչափ ակտով արատավորվել է պատիվը կամ արժանապատվությունը: Սակայն, ՃՈ ակտի դեպքում ռեալ չէ:

Ոչ իրավաչափ ակտ ընդւնելն ինքնին չի առաջացնում կարգապահական պատասխանատվություն: Առավել ևս, որ լինում են դեպքեր, երբ դատարանը իրավական ակտին տալիս է նոր մեկնաբանություն, որը մինչ այդ այլ կերպ է կիրառվել ՃՈ կողմից: