• Home
    • ›

    Վարչական ակտի տեսակները

    Anahit
    in ՀՀ վարչական դատավարություն
    Բարև Ձեզ, խնդրում եմ ասեք որոնք են վարչական ակտի տեսակները?

    Comments

    • LianaBalyan
      Վարչական ակտը կարող է իր հասցեատիրոջ համար ունենալ բարենպաստ կամ ոչ բարենպաստ(միջամտող)նշանակություն՝ մերժել որևէ իրավունքի տրամադրումը, զրկել այս կամ այն իրավունքից, տալ թույլտվություն, որևէ գույքի նկատմամբ իրավունք և այլ, ինչպես նաև պարունակել խառը՝ բարենպաստ և միջամտող նշանակություն ունեցող տարրեր:Օրենքը սահմանել է վարչական ակտի երեք տարատեսակ՝ բարենպաստ, միջամտող և զուգորդվող:
      Բարենպաստ է այն վարչական ակտը, որի միջոցով վարչական մարմիններն անձանց տրամադրում են իրավունքներ կամ նրանց համար ստեղծում են այդ անձանց իրավական կամ փաստացի դրությունը բարելավող ցանկացած այլ պայման: Օրինակ՝ արտոնագիր կամ վարորդական իրավունք տալը, շինարարական աշխատանքների թույլտվությունը և այլն:
      Միջամտող է այն վարչական ակտը, որի միջոցով վարչական մարմինը մերժում, միջամտում, ընդհուպ սահմանափակում է անձանց իրավունքների իրականացումը, որևէ պարտականություն է դնում նրանց վրա կամ ցանկացած այլ եղանակով վատթարացնում է նրանց իրավական կամ փաստացի դրությունը:Օրինակ՝ցանկացած հարցով տրված դիմումը մերժելու, տրամադրված արտոնագրի գործողությունը ժամանակավորապես կասեցնելու, անօրինական շինությունը քանդելու մասին իրավասու վարչական մարմնի ակտը և այլն:
      Զուգորդվող վարչական ակտով այդ ակտի հասցեատիրոջ համար կարող են սահմանվել ինչպես բարենպաստ, այնպես էլ միջամտող դրույթներ: Օրինակ՝ եթե անձը դիմել է իրավասու մարմնին պահանջելով քանդել իր հարևանի կողմից իրենց բակում ապօրինաբար կառուցված ավտոտնակը և այդ հողատարածքը տրամադրելու իրեն՝ ավտովերանորոգման կայան կառուցելու համար, սակայն, վարչական մարմինը որոշում է ընդունել քանդել ապօրինի կառուցված ավտոտնակը, իսկ բակը տրամադրել համատիրությանը խաղահրապարակ կառուցելու համար, ապա, այդ ակտը դիմում տված անձի համար կլինի զուգորդված վարչական ակտ, որի առաջին մասով բավարարվել է նրա պահանջը և քանդվել է ապօրինաբար կառուցված շինությունը, սակայն, երկրորդ մասով մերժվել է այդ տարածքն իրեն տրամադրելու վերաբերյալ պահանջը:

    • Anahit
      Շատ շնորհակալ եմ, ես ուսանող եմ և Ձեր բերված օրինակներով ավելի լավ հասկացա թեման, ևս մեկ անգամ շնորհակալություն տիկին Բալյան:
    Sign In or Register to comment.