ՀՀ փաստաբանների պալատում ապրիլի 8-ին Եվրոպայի խորհրդի «Աջակցություն Հայաստանում պրոբացիայի ծառայության ներդրմանը» ծրագրի շրջանակներում կազմակերպվել էր վերապատրաստման դասընթաց-քննարկում պրոբացիայի ծառայության վերաբերյալ:
Դասընթացը վարել է «Սոցիալական արդարություն» ՀԿ նախագահ Արշակ Գասպարյանը:
Քննարկմանը ներկայացվել է ՊՐՈԲԱՑԻԱ պետական ծառայության առանձնահատկությունները, կառուցվածքը: Մասնակիցները ինտերակտիվ եղանակով ծանոթացել են պրոբացիայի հասկացությանը, միջազգային իրավական կարգավորումներին: Փաստաբաններին հետաքրքրել է պրոբացիայի դրական ազդեցության ուսումնասիրությունների միջազգային վիճակագրությունը և ՀՀ-ում ներդրվելու դեպքում հնարավոր ռիսկերն ու առանձնահատկությունները: