Հարգելի՛ փաստաբաններ,

Շարունակելով մեր ավանդույթը՝ ցանկանում ենք 2022թ. դեկտեմբերի 23-ին՝ ժամը 17:00-ին, այցելել Երևանում «Մայր Թերեզայի քույրեր» միսիոներների բարեգործական կազմակերպության մանկատուն, որտեղ խնամքի տակ են գտնվում ծանր հիվանդ երեխաներ, որոնցից ծնողները հրաժարվել են:

Մանկատան երեխաներին օգնություն տրամադրելու, ինչպես նաև նրանց անձամբ այցելելու ցանկություն հայտնած անձինք կարող են [email protected] էլ. հասցեին նամակ ուղարկել կամ անհրաժեշտ իրը ստացականով հանձնել Փաստաբանների պալատի ընդունարանի պատասխանատուին:

Մանկատան երեխաներին անհրաժեշտ են հետևյալ իրերը՝ (անսահմանափակ քանակի)

• բամբակյա ներքնազգեստ (7-9 տարեկանի),
• լոգանքի պարագաներ (գել, օճառ…) - Johnson’s Baby,
• լվացքի գել
• կրեմ - Тopi
• կաթնային խառնուրդ - Similac 1, 2,
• BЕBI շիլաներ (каша),
• Huggies, Libero, Puffies տակդիրներ (ցանկացած չափերի),
• թաց անձեռոցիկներ,
• շոկոլադե սմայլիկներ - Գրանդ Քենդի, շոկոլադե կոնֆետներ - Kinder (միայն բատոնչիկները, քանի որ երեխաները միայն դա են կարողանում հարմար բռնել),
• խաղալիքներ, փայտյա խաղալիքներ - ձեռքի մկանները զարգացնող (մոտորիկա) (պլաստիլիններ, ալերգիկ երևույթները բացառելու նպատակով փափուկ խաղալիքներ չեն ընդունվում),
• տոնածառի խաղալիքներ,

Մանկատունը օգնում է նաև անապահով ընտանիքներին, ուստի կարող եք ուղարկել նաև հետևյալ իրերը՝

• աթոռակ, մանեժ, քայլակ (կարող է լինել օգտագործված),
• մանկական հագուստ:

            Մանկատունը գտնվում է Նորք-Մարաշ վարչական շրջանում:

Փաստաբանների պալատից կամավորների խումբը մեկնելու է 2022թ. դեկտեմբերի 23-ին՝ ժամը 16:30-ին: Եթե ցանկանում եք նաև մանկատուն այցելել, ապա խնդրում ենք նախապես տեղեկացնել:

Հարգանքով՝

ՀՀ փաստաբանների պալատի աշխատակազմ

ՀՀ  փաստաբանական ակադեմիայի աշխատակազմ