Եվրոպայի փաստաբանների և իրավաբանների միությունների խորհրդը (CCBE), որը ներկայացնում է 46 երկրների փաստաբաններին ու փաստաբանական միությունները, և նրանց միջոցով ավելի քան 1 միլիոն եվրոպացի իրավաբանների, իր մտահոգությունն է հայտնել փաստաբաններ Մարզպետ Ավագյանի և Էմանուել Անանյանի նկատմամբ՝ ոստիկանության աշխատակիցների կողմից վերջերս կատարված ֆիզիկական և բանավոր ոտնձգության վերաբերյալ:

   Ընդգծենք, որ ՀՀ փաստաբանների պալատը դիմել էր Եվրոպայի փաստաբանների և իրավաբանների միությունների խորհրդին (CCBE)՝ կոշտ արձագանք և դիրքորոշում ստանալալու ակնկալիքով, քանի որ հիշյալ կառույցը  մեծ ուշադրություն է դարձնում մարդու իրավունքների և օրենքի գերակայության հարգմանը և հատկապես մտահոգված է ամբողջ աշխարհում իրավապաշտպանների իրավիճակով:

   ՀՀ փաստաբանների պալատի դիմումին ի պատասխան՝ հաղորդվում է, որ  ուսումնասիրելով դեպքը և ՀՀ փաստաբանների պալատի կողմից ներկայացված դիմումը Եվրոպայի փաստաբանների և իրավաբանների միությունների խորհրդը հասկանում է, որ փաստաբաններ Մարզպետ Ավագյանն ու Էմանուելը Անանյանը ոստիկանության բաժնում էին` պաշտպանելու իրենց պաշտպանյալների շահերը, ովքեր անչափահաս են և ովքեր պնդում էին, որ իրենց խոշտանգել և ծեծել են նույն ոստիկանները, ովքեր հարձակվել են և փաստաբանների վրա:

   Ստորև ներկայացնում ենք նաև Եվրոպայի փաստաբանների և իրավաբանների միությունների խորհրդի  (CCBE) պաշտոնական գրությունը և  ոչ պաշտոնական թարգմանությունը՝ հայերեն լեզվով․

ԲԵՌՆԵԼ ՊԱՇՏՈՆԱԿԱՆ ԳՐՈՒԹՅՈՒՆՆ ԱՆԳԼԵՐԵՆ ԼԵԶՎՈՎ

ԲԵՌՆԵԼ ՈՉ ՊԱՇՏՈՆԱԿԱՆ ԹԱՐԳՄԱՆՈՒԹՅՈՒՆԸ ՀԱՅԵՐԵՆ ԼԵԶՎՈՎ

Նշենք նաև, որ CCBE֊ն այս մասին գրառումներով է հանդես եկել սոցիալական տարբեր հարթակներում, որոնց հղումները ևս ներկայացնում ենք ստորև․