ՎՐԵԺ ՀՈՎՀԱՆՆԵՍԻ ԳԱՍՊԱՐՅԱՆ (հակիրճ կենսագրություն) Ծնվել է 1962թ. մարտի 31-ին, Երևան քաղաքում: 1980-1982 թթ. ծառայել է խորհրդային բանակում: 1985- 1990 թթ. սովորել և ավարտել է Երևանի պետական համալսարանի իրավաբանական ֆակուլտետը: 1990-1996 թթ. աշխատել է ՀՀ արդարադատության նախարարության օրենսդրության վարչությունում որպես առաջին կարգի, այնուհետև առաջատար, ապա գլխավոր խորհրդատու: 1995-1996 թթ. համատեղությամբ աշխատել է ՀՀ ֆինանսների նախարարությունում որպես գլխավոր իրավախորհրդատու: 1996-2005 թթ. աշխատել է ՀՀ Նախագահի աշխատակազմում` նախ որպես աշխատակազմի իրավաբանական բաժնի վարիչ, ապա 1998թ.-ից` պետաիրավական վարչության պետ: 2006-2009 թթ. աշխատել է ՀՀ Ազգային ժողովի աշխատակազմի օրենսդրության վերլուծության և զարգացման վարչության պետի տեղակալի պաշտոնում: 2009–2011 թթ. աշխատել է ՀՀ Ազգային ժողովի աշխատակազմի ղեկավարի խորհրդականի պաշտոնում: 2011 թ. դեկտեմբերի 9-ից մինչև 2012 թվականի փետրվարի 3-ը աշխատել է ՀՀ Ազգային ժողովի նախագահի խորհրդականի, իսկ 2012 թվականի փետրվարի 3-ից մինչև մարտի 15-ը` ՀՀ Ազգային ժողովի նախագահի գլխավոր խորհրդականի պաշտոնում: ՀՀ Ազգային ժողովի նախագահի կարգադրությամբ 2012 թ. մարտի 16-ից նշանակվել է ՀՀ Ազգային ժողովի աշխատակազմի ղեկավարի պաշտոնում: ՀՀ Ազգային ժողովի նախագահի կարգադրությամբ 2012 թ. սեպտեմբերի 18-ից ազատվել է ՀՀ Ազգային ժողովի աշխատակազմի ղեկավարի պաշտոնից և նշանակվել է ՀՀ Ազգային ժողովի նախագահի գլխավոր խորհրդականի պաշտոնում: Հանրապետության Նախագահի համապատասխան հրամանագրերով Վրեժ Գասպարյանին շնորհվել են արդարադատության երկրորդ դասի պետական խորհրդականի և քաղաքացիական ծառայության երկրորդ դասի պետական խորհրդականի դասային աստիճանները: 2008 թ. հոկտեմբերին ստացել է փաստաբանի որակավորում, 2009 թ. սեպտեմբերին` փաստաբանական գործունեության արտոնագիր, ՀՀ փաստաբանների պալատի անդամ է: Բարեխիղճ աշխատանքի եւ ծառայողական պարտականությունները գերազանց կատարելու համար ՀՀ Ազգային ժողովի նախագահի կարգադրությամբ 2011 թ. դեկտեմբերի 28-ին պարգեւատրվել է ՀՀ Ազգային ժողովի նախագահի շնորհակալագրով: 2011 թվականի մայիսի 16-ին ԱՊՀ մասնակից պետությունների Միջխորհրդարանա-կան վեհաժողովի Խորհրդի որոշմամբ պարգևատրվել է «ԱՊՀ ՄԽՎ. 20 տարի» արծաթե մեդալով: Ամուսնացած է, ունի երկու երեխա` աղջիկ և տղա: