Ծնվել է 1971 թվականին Վրաստանի Հանրապետությունում: 1993 թվականին ավարտել է Երեւանի պետական համալսարանի իրավաբանական ֆակուլտետը: Իրավաբանական գիտությունների թեկնածու, դոցենտ: 1993-2009թթ. աշխատել է Հայաստանի Հանրապետության գլխավոր դատախազությունում որպես վարչության դատախազ: 2001թ. մինչեւ օրս դասավանդում է Երեւանի պետական համալսարանի քաղաքացիական դատավարության ամբիոնում: Հեղինակ է «Լիցենզավորման ինստիտուտը Հայաստանի իրավական համակարգում» (1998թ.), «Հայաստանի Հանրապետության քաղաքաշինական իրավունք» (1999թ.), «Պատասխանատվությունը քաղաքաշինության բնագավառում իրավախախտումների համար» (2001թ.), «Օրինականությունը եւ կարգապահությունը քաղաքաշինության բնագավառում» (2003թ.), «Իրավագիտություն – դասախոսություններ բժշկական ուսումնական հաստատությունների ուսանողների համար» (2003թ.), «Պատիժներ, հարկադրանք եւ դատախազական հսկողության հարցեր» (2009թ.) եւ «Պետական շահերի դատական պաշտպանությունը» (2010թ.) գրքերի: Ամուսնացած է: Ունի երկու երեխա: