Բացման խոսքով հանդես է եկել ՀՀ արդարադատության նախարարի տեղակալ Սուրեն Քրմոյանը, ով կարևորել է Հայաստանում պրոբացիոն ծառայության ներդրումը: Տեղական փորձագետ, ՀՀ փաստաբանների պալատի նախագահի առաջին տեղակալ Արթուր Հովհաննիսյանը ներկայացրել է պրոբացիոն ծառայության հիմնախնդիրները, հիմնական դրույթները, ինչպես նաև հայեցակարգի հիման վրա մշակված իրավական ակտերի նախագծերը: Արթուր Հովհաննիսյանը խոսել է նաև Հայաստանում պրոբացիայի արդյունավետության մասին, ներկայացրել է ծառայության կառուցվածքը և պրոբացիայի գործողությունը մինչդատական, դատական, պատժի կատարման և հետպատժյա փուլերում:
Խոսվել է նաև անչափահասների նկատմամբ պրակտիկայի առանձնահատկությունների վերաբերյալ: Միջազգային փորձագետ Քրիստոֆեր Ֆրոստը ներկայացրել է դատական համակարգի դերը պրակտիկայի հարցում:
Իսկ մեկ այլ միջազգային փորձագետ Էնդի Բերնհարդտը խոսել է ծառայության գործառույթների վերաբերյալ: