ՀՀ փաստաբանների պալատի դրոշը ծածանվել է Կազբեկ լեռան վրա: Փաստաբան Լևոն Հովհաննիսյանը (արտոնագիր 1789) սիրում է զբաղվել լեռնագնացությամբ: Վերջին տարիներին նա հաղթահարել է բազմաթիվ լեռնագագաթներ Հայաստանում և Արևմտյան Հայաստանում: Փաստաբանը բոլոր գագաթները հաղթահարելիս ծածանել է Փաստաբանների պալատի դրոշը:

Մինչ օրս Փաստաբանների պալատի դրոշը 2012թ. ծածանվել է Արարատ և Արագած և 2013թ. Սիփան լեռների գագաթներին: Սեպտեմբերի 2-ին Լևոն Հովհաննիսյանը 4 հոգանոց արշավախմբի կազմում հաղթահարել է Կազբեկ լեռնագագաթը, որը համարվում է Հարավային Կովկասի ամենաբարձր լեռնագագաթներից մեկը: 

Հ. Գ.

Կազբեկ  լեռնագագաթ Մեծ Կովկասի լեռնաշղթայում, գտնվում է Վրաստանի Հանրապետության տարածքում։ Բարձրությունը 5033 մ է։

Անվանումը տվել են ռուսները 19-րդ դարի սկզբին։ Մինչև ռուսների գալը լեռան ստորոտում գտնվող գյուղին տիրում էր տեղացի իշխան Կազիբեկը, որի անունով էլ աուլը կոչվեց Կազիբեկի, իսկ աուլի անունով էլ դիմացի լեռը՝ Կազբեկ։

Վրացերենով լեռը կոչվում է Մղինվարշվերի, որը նշանակում է «սառցային լեռ», իսկ օսեթերեն՝ Ուրսխոխ՝ «սպիտակ լեռ»։

Լուսանկարները Լևոն Հովհաննիսյանի անձնական արխիվից: