Հայաստանի Հանրապետության փաստաբանների պալատի մամուլի խոսնակի հաստիքը 2016 թվականի մարտի 1-ից թափուր է լինելու։
     ՀՀ փաստաբանների պալատի մամուլի խոսնակի թեկնածուների հետ հարցազրույց անցկացնելու համար առաջարկում ենք մինչև 2016 թվականի փետրվարի 29-ը ժամը 15.00-ն [email protected] էլեկտրոնային փոստի հասցեին ուղարկել Ձեր ինքնակենսագրականը:
Հարցազրույցն անցկացնելու է ձևավորված հանձնաժողովը (Զինավոր Մեղրյան, Իրինա Փիլոյան և Մանե Կարապետյան)։ Հարցազրույցի ժամանակ ստուգվելու են թեկնածուների համար սահմանված հետևյալ նվազագույն պահանջները.
     1. Աշխատանքային փորձ՝ առնվազն երեք տարի հասարակայնության հետ կապերի կամ լրատվության ոլորտում.
     2. Կրթություն՝ բարձրագույն (իրավագիտություն, լրագրություն, պատմագիտություն, հանրային կառավարում).
     3. Համակարգչային հմտություններ՝ MS World, MS Excel, MS PowerPoint, Photoshop, կայքէջի կառավարման CMS ծրագիր, ինտերնետի ռեսուրսներից օգտվելու հնարավորություն
     4. Գրավոր տեքստերի, այդ թվում՝ վերլուծական նյութերի կազմման հմտություններ.
     5. Բանավոր հռետորական խոսքին տիրապետելու ունակություն։

    ՀՀ փաստաբանների պալատի մամուլի խոսնակի հիմնական գործառույթներն են՝

• ներկայացնել ՀՀ փաստաբանների պալատի պաշտոնական տեսակետները Հայաստանի Հանրապետության և օտարերկրյա պետությունների զանգվածային լրատվության և տեղեկատվության փոխանակման միջոցներին.
• լուսաբանել ՀՀ փաստաբանների պալատի և հանրային պաշտպանի գրասենյակի գործունեությունը.
• կազմակերպել ՀՀ փաստաբանների պալատի նախագահի հարցազրույցները, հանդիպումները լրատվության միջոցների ներկայացուցիչների հետ, կազմակերպել և/կամ անցկացնել ասուլիսները.
• փաստաբանների, այդ թվում' հանրային պաշտպանների համար կազմակերպել ասուլիսներ, օժանդակել լրատվամիջոցների հետ աշխատելու հարցում.
• կազմել մամլո հաղորդագրությունները և այլ տեղեկատվական նյութեր, կազմակերպել տեղեկատվական բնույթի միջոցառումներ.
• իրականացնել ՀՀ փաստաբանների պալատի պաշտոնական կայքէջի և սոցիալական ցանցի էջի ընթացիկ սպասարկում, ներառյալ՝ նյութերի (լուրերի, նորությունների, հայտարարությունների, իրավական ակտերի կամ այլ նյութերի) ներբեռնում և կայքէջի բնականոն գործողության համար անհրաժեշտ այլ գործողություններ և այլն:

     Հայաստանի Հանրապետության
     փաստաբանների պալատի
     աշխատակազմ