Վարդգեզ Գասպարին հրապարակային կերպով   սոցիալական ցանցերում     վիրավորանքներ է հասցրել  հանրային պաշտպաններին, այն բանի համար, որ  հանրային պաշտպանի  գրասենյակը քրեական գործով հանրային պաշտպաններով էր ապահովել Վարդգեզ Գասպարիին:

 Այս կապակցությամբ պարզաբանում ենք հետևյալը՝

Հանրային պաշտպանի գրասենյակը քրեական գործերով հանրային պաշտպան տրամադրում է միայն վարույթն իրականացնող մարմնի (այդ թվում՝ դատարանի) որոշման հիման վրա։

  Հանրային պաշտպանի գրասենյակը  երեք անգամ ստացել է Երևանի Շենգավիթ վարչական շրջանի ընդհանուր իրավասության դատարանի  որոշումներ, որոնցով դատարանը գտել է, որ «Վարդգես Լիվանի Գասպարիին պետք է ազատել իրավաբանական օգնության վճարից և դիմել ՀՀ փաստաբանների պալատի հանրային պաշտպանի գրասենյակին՝ պաշտպան նշանակելու համար..»։

  Հանրային պաշտպանի գրասենյակը պարտավոր էր ի կատարումն օրինական ուժի մեջ մտած դատական ակտերի ՝ տրամադրել գործը հանրային պաշտպանին, ինչը և կատարել է-   գործը հանձնվել է  հանրային պաշտպան   Մերի Ալավերդյանին,  այնուհետև՝  Լլյուդվիգ Ավետիսյանին և Լիանա Գասպարյանին:

   Նշված երեք հանրային  պաշտպանները  կարող էին պաշտպանի իրավիճակ ձեռք բերել Վարդգեզ Գասպարիի համաձայնությունը ստանալու պահից միայն: Այդ մասին բազմիցս և գրավոր և բանավոր պարզաբանվել է Վարդգես Գասպարիին:

     Վարդգեզ Գասպարին  հրապարակավ սոցիալական ցանցերում անձնական վիրավորանքներ է հնչեցնել հանրային պաշտպաններ Մերի Ալավերդյանի և Անժելա Հոբոսյանի հասցեին նրանց պատիվն ու արժանապատվությունը վիրավորող մեկնաբանություններ անելով: ՀՊԳ ղեկավարը   գրավոր և բանավոր  հորդորել է  Վարդգեզ Գասպարիին   զերծ մնալ հանրային պաշտպաններին   վիրավորանքներ հասցնելուց:

  Սակայն  Վարդգեզ Գասպարին      շարունակել  է հրապարակավ      հանրային պաշտպաններին վիրավորանքներ հասցնել, ավելին՝     դատարանի միջանցքում և դատական նիստերի  դահլիճում   հրապարակավ  վիրավորանքներ  է  հասցրել   հանրային պաշտպաններ  Լյուդվիգ  Ավետիսյանին և   Լիանա Գասպարյանին:

 Հարգելի Վարդգեզ Գասպարիի

Հանրային պաշտպաններ  Մերի Ալավերդյանը, Լյուդվիգ Ավետիսյանը և Լիանա Գասպարյանը կատարել են իրենց մասնագիտական պարտականությունը և ներկայացել են դատարան օրինական ուժի մեջ մտած դատական ակտի կատարումն  ապահովելու  նպատակով:

Հանրային պաշտպանի գրասենյակը իրականացրել է  մի քանի տասնյակ հազար  քաղաքացիների պաշտպանություն քրեական գործերով, տասնյակ հազար քաղաքացիների իրավաբանական օգնություն է տրամադրել քաղաքացիական և վարչական գործերով:

 Ձեր իրավունքն է Ձեր ընտրած դատապաշտպանների  միջոցով պաշտպանելու Ձեզ օրենքով սահմանված կարգով, օգտվեք Ձեր իրավունքից :

Դուք հայտարարում եք, որ պայքարում եք անօրինականության և ապօրինությունների դեմ: Ուրեմն բարի եղեք հարգել այն ինստիտուտը և այն անձանց, ովքեր    գերծանրաբեռնված ռեժիմով ՀՀ բազմահազար անվճարունակ  քաղաքացիների   շահերն են  պաշտպանում  և ներկայացնում:

Եթե դուք պաշտպանում եք  մարդու իրավունքները ապա հարգեք դիմացինի արժանապատվությունը, մի վիրավորեք հանրային պաշտպաններին:

Կրկին հորդորում ենք Ձեզ զերծ մնալ հանրային պաշտպաններին   վիրավորանքներ հասցնելուց: 

Հանրային պաշտպանի գրասենյակի ղեկավար

Մելանյա Առուստամյան