2018 թվականի մարտի 9-ին տեղի է ունեցել «Եվրոպայի խորհրդի անդամ պետությունների փաստաբանական միությունների և իրավաբանական համայնքների ընթացիկ մարտահրավերները և համագործակցության հնարավորությունները» խորագրով համաժողով: Համաժողովը կազմակերպվել է Հայաստանի Հանրապետության փաստաբանների պալատի, Եվրոպայի խորհրդի, Եվրոպայի փաստաբանների միությունների և իրավաբանական համայնքների խորհրդի (CCBE) կողմից` Եվրոպայի խորհրդի «Աջակցություն Հայաստանում դատական բարեփոխումների իրականացմանը» ծրագրի շրջանակներում: Միջոցառմանը հարցուպատասխանի ընթացքում ՀՀ փաստաբան Վահե Գրիգորյանը թիրախավորել և քննադատական մեկնաբանություններ է հնչեցրել Փաստաբանների պալատի, Փաստաբանների պալատի խորհրդի վերաբերյալ՝ անսալով եվրոպացի գործընկերների աջակցությունը: Վերջիններիս արձագանքը սակայն տրամագծորեն հակառակ բնույթի է եղել՝ համընկնելով ՀՀ փաստաբանների պալատի աշխատելաոճին և առաջնահերթություններին: Գրիգորյանի խոսքը հիմնկանում ներկայացվել է այդ պահին դահլիճում աշխատող լրատվամիջոցների կողմից, իսկ եվրոպացիների պատասխանի ժամանակ լրագրողներն արդեն գնացել էին: Ներկայացնում ենք Մոլդովայի փաստաբանների միության նախագահի արձագանքը Վահե Գրիգորյանի ելույթին: