ՀՀ փաստաբանների պալատում այսօր՝ հոկտեմբերի 26-ին, փաստաբանների միջև տեղի է ունեցել շախմատի առաջնություն: Մրցաշարին մասնակցել են ավելի քան երկու տասնյակ փաստաբաններ:

Մրցաշարի սկզբում մասնակիցներին ողջունել է Հայաստանի շախմատի ակադեմիայի հիմնադիր-նախագահ Սմբատ Լպուտյանը: Նա հաջողություններ է մաղթել մասնակիցներին:

Խաղը անց է կացվել շվեյցարական ձևաչափով, այն է՝ խաղը անցկացվում է վեց փուլով, հավասար միավորներ ունեցողները խաղում են միմյանց դեմ:

Խաղի հաղթողներ են ճանաչվել Վարդան Առաքելյանը (3-րդ հորիզոնական), Արմեն Վարդանյանը (3-րդ հորիզոնական), Հմայակ Ղարիբյանը (2-րդ հորիզոնական) և Արմեն Գրիգորյանը (1-ին հորիզոնական):

Հաղթողներին պատվոգրերով, մեդալներով ու գավաթով պարգևատրել է ՀՀ փաստաբանների պալատի նախագահ Արա Զոհրաբյանը: