Հայաստանում ֆրանսիական համալսարանում տեղի Է ունեցել դատախաղ-մրցույթ ֆրանկոֆոն ուսանողների միջև մարդու իրավունքների և հիմնարար ազատությունների վերաբերյալ:

Դատախաղ-մրցույթին մասնակցել են 13 ուսանողներ՝ բաշխված 5 թիմերում։ Նրանք  ֆրանսերեն լեզվով ներկայացրել են իրենց ելույթները «Փաստաբանի խոսքի ազատություն, թե՞ դատական հեղինակության պաշտպանություն» թեմայով։

Բոլոր մասնակիցները Ֆրանսիական համալսարանի կողմից ստացել են մասնակցության վկայականներ, իսկ հաղթող թիմը և լավագույն բանախոսը` Ֆրանսիայում պրակտիկա անցնելու հնարավորություն։

Լավագույն արդյունք ցուցաբերած ուսանողներին տրամադրվել է ՀՀ փաստաբանական դպրոցում զեղչով սովորելու հնարավորություն։

Միջոցառումը կազմակերպվել էր Հայաստանում Ֆրանսիական համալսարանի, ՀՀ փաստաբանների պալատի, Մոնպելյեի փաստաբանների պալատի, Մոնպելյեի Փաստաբանների պալատի Մարդու իրավունքների ինստիտուտի, Հայաստանի Սենգորի ամբիոնի կողմից։