Հայաստանի Հանրապետության փաստաբանների պալատի անունից շնորհավորում ենք բոլոր երեխաներին՝ երեխաների պաշտպանության միջազգային օրվա կապակցությամբ:

Այսօր երեխայի իրավունքները Հայաստանում առավել քան պաշտպանված են: Մենք ջանք ու եռանդ չպետք է խնայենք, որպեսզի երեխաներն ունենան խաղաղ մանկություն ու ստանան հայեցի դաստիարակություն՝ զերծ այլասերումից ու մանկությունը խեղող արատավոր երևույթներից: Մենք բոլորս էլ դաստիարակվել ենք ավանդական հայկական ընտանիքի գաղափարներով ու շարունակում ենք դա փոխանցել մեր զավակներին, որովհետև հայկական ավանդական ընտանիքն է մշտապես կարողացել պահպանել հայի ազգային կերպարը ու դիմակայել արտաքին ճնշումներին:

Փաստաբանների պալատում արդեն ավանդույթ դարձած  երեխաների տոնն այս տարի չենք նշելու կապված համավարակի հետ: Այնուամենայնիվ, Փաստաբանների պալատի անդամների երեխաների անունից «Հայ մայրեր» բարեգործական հասարակական կազմակերպության 40 երեխաների համար նվերներ է հանձնվել:

Մաղթում ենք աշխարհի բոլոր երեխաներին առողջություն, խաղաղություն, երջանկություն ու անհոգ մանկություն:

ՀՀ փաստաբանների պալատի

նախագահ՝ Արա Զոհրաբյան