ՀՀ Փաստաբանների Պալատ

«ԵՐԵԽԱՅԻ ՄԱՍՆԱԿՑՈՒԹՅԱՄԲ ԴԱՏԱՎԱՐՈՒԹՅԱՆ ԻՐԱՎԱԿԱՆ ԵՎ ՀՈԳԵԲԱՆԱԿԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ» ԹԵՄԱՅՈՎ ՔԱՌՕՐՅԱ ՎԵՐԱՊԱՏՐԱՍՏՄԱՆ ԴԱՍԸՆԹԱՑՆԵՐԻ ՇԱՐՔ

06.08.2020 18:24

ՀՀ փաստաբանների պալատը Միացյալ ազգերի կազմակերպության մանկական հիմնադրամի (ՅՈՒՆԻՍԵՖ/UNICEF) հետ համատեղ իրականացնում է «Հայաստանում երեխաների բարենպաստ իրավաբանական օգնության բարձրացում» ծրագիրը, որի շրջանակներում փաստաբանների համար 2020 թվականի օգոստոսի 10-ից 13-ը կազմակերպվում է վերապատրաստման քառօրյա դասընթացների շարք՝ «Երեխայի մասնակցությամբ դատավարության իրավական և հոգեբանական առանձնահատկությունները» թեմայով:

Դասընթացը բաղկացած է երկու մասից՝ երեխայի մասնակցությամբ դատավարության առանձնահատկությունների վերաբերյալ իրավական և հոգեբանական թեմաներից (բաժիններից): Դասընթացի նպատակն է՝

- փաստաբաններին լիարժեք գիտելիքներ և պատկերացումներ հաղորդել երեխայի իրավունքների այն միջազգային և ազգային չափանիշների վերաբերյալ, որոնք պետք է պահպանվեն երեխաների մասնակցությամբ իրականացվող դատավարության ընթացքում (դասընթացի իրավական մաս).

- փաստաբաններին համակարգված գիտելիքներ և հմտություններ հաղորդել երեխաների մասնակցությամբ իրականացվող դատավարության ընթացքում երեխայի հետ ճիշտ հաղորդակցվելու և երեխային չվնասելու համար (դասընթացի հոգեբանական մաս).

Դասընթացի ավարտին մասնակիցները կանցնեն թեստային համառոտ ստուգում, որը հաջողությամբ հանձնելու դեպքում կստանան հավաստագիր՝ հաստատված ՀՀ փաստաբանների պալատի և ՅՈՒՆԻՍԵՖ-ի կողմից: Դասընթացին մասնակցությունը յուրաքանչյուր փաստաբանի համար կհաշվարկվի նաև 8 (ութ) ակադեմիական ժամ վերապատրաստում:

Դասընթացին կարող են մասնակցել նախապես գրանցված 30 (երեսուն) փաստաբան: Նախապատվությունը կտրվի դասընթացին ավելի վաղ գրանցված փաստաբաններին: Դասընթացին գրանցվելու համար անհրաժեշտ է մինչև 10.08.2020թ.  (երկուշաբթի) ժամը 15:00-ն պատասխան նամակ ուղարկել [email protected] էլ. hասցեին՝ նշելով Ձեր անունը, ազգանունը, արտոնագրի համարը և դասընթացի անվանումը:

Խնդրում ենք դասընթացին գրանցվել, եթե համոզված եք, որ կարող եք դրան մասնակցել ամբողջ ծավալով՝ բոլոր 4 օրերին:

Դասընթացն անցկացվելու է հեռավար կարգով: Դասընթացին գրանցված փաստաբաններն էլեկտրոնային փոստով կստանան հրավեր (հղում), որն ակտիվացնելով կմիանան դասընթացի հարթակին:

Բեռնել դասացուցակը



Առաջարկվող նորություններ


Բեռնել

Վերադառնալ