2021 թվականի հունիսի 6-ին տեղի ունեցան ՀՀ փաստաբանների պալատի մարզամշակութային ակումբի կազմակերպած «Փաստաբանների ֆուտզալի գավաթ 2021» մրցաշարի երկրորդ խմբի խաղերը:

       Երկրորդ խմբում ընդգրկված էին «Արարատ», «Օլիմպ», «Երևան» և բացառապես Փաստաբանական դպրոցի ունկնդիրներից կազմված «Փաստաբանական դպրոց» թիմերը:

       Ներխմբային խաղերի արդյունքներով երկրորդ խմբի առաջատարը «Փաստաբանական դպրոց» թիմն է (մասնակիցներ՝ Վահան Սարգսյան, Էդգար Արսենյան, Վաչե Սիմոնյան, Արամ Կարապետյան, Արման Չոբանյան, Գարիկ Նահապետյան, Հարություն Հարությունյան):

       Խմբային խաղերն ավարտվել են և երկու խմբերի առաջատարները եզրափակիչ խաղերում կչափեն իրենց ուժերը մրցանակային տեղերի համար:

       Մրցանակային տեղերի համար պայքարից դուրս մնացած թիմերը կարող են անցկացնել ևս մեկ ընկերային խաղ:

       Եզրափակիչ խաղերի ավարտից հետո կամփոփվեն մրցաշարի արդյունքները, կկատարվի մրցանակաբաշխության արարողություն:

       Բոլոր մասնակիցները կպարգևատրվեն հավաստագրերով, իսկ մրցանակային տեղեր գրաված թիմերը՝ պատվոգրերով և մեդալներով:

       Մրցանակները հաղթողներին կհանձնեն ՀՀ փաստաբանների պալատի նախագահ՝ Արա Զոհրաբյանը և հռչակավոր ֆուտբոլիստ Խորեն Հովհաննիսյանը:

       Եզրափակիչ խաղերը և մրցանաբաշխությունը տեղի կունենան Երևանի պետական համալսարանի մարզադահլիճում, սկիզբը՝ 2021թ-ի հունիսի 13-ին, ժամը 10:30-ին: Մուտքն ազատ է: