ՀՀ փաստաբանների պալատի նախագահի
հարգելի թեկնածուներ

Հիմք ընդունելով ՀՀ փաստաբանների պալատի (այսուհետ' Պալատ) կանոնադրության 8.7 (4), 8.32 և 13.6 կետերի պահանջները, ինչպես նաև 
ելնելով Պալատի կանոնադրության 8.6 կետով նախատեսված սկզբունքներից,

1. խնդրում ենք հինգօրյա ժամկետում ներկայացնել Ձեր կենսագրական տվյալները պարունակող նյութ (A4 ձևաչափի թղթի վրա, լուսանկարով), որը կտեղադրվի ցուցատախտակի վրա, ինչպես նաև Պալատի պաշտոնական կայքէջում (www.advocates.am ): Կենսագրական տվյալներից բացի նույն էջի վրա կարող եք լրացնել Ձեզ համար նախընտրելի ցանկացած տեղեկություն: Նշված ժամկետում Ձեր կենսագրական տվյալները չներկայացնելու դեպքում, Հաշվիչ հանձնաժողովը Պալատի Ձեր անձնական գործից կհրապարակի կենսագրական տվյալները.

2. տեղեկացնում ենք, որ Պալատի ընդհանուր ընդունարանում գտնվող սեղանի վրա կարող եք տեղադրել Ձեր նախընտրական բուկլետները (բուկլետների տրցակ) կամ այլ փաստաթղթերը, որոնց սեղանի վրա զբաղեցնող մակերեսը չի կարող գերազանցել 220x300 մմ: Միաժամանակ, այդ նյութերը պետք է վերցնեք 2013թ. սեպտեմբերի 13-ին մինչև ժամը 18.00-ն.

3. տեղեկացնում ենք, որ Պալատի ընդհանուր ընդունարանում գտնվող պատին կարող եք տեղադրել Ձեր նախընտրական մեկ պաստառ, որը չի կարող գերազանցել A2 ձևաչափը: Միաժամանակ, այդ պաստառը պետք է վերցնեք 2013թ. սեպտեմբերի 13-ին մինչև ժամը 18.00-ն.

4. տեղեկացնում ենք, որ Պալատի պաշտոնական կայքէջում (www.advocates.am ) կարող եք ներկայացնել Ձեր նյութերը առանց որևէ սահմանափակման.

5. տեղեկացնում ենք, որ Պալատի դահլիճը յուրաքանչյուրիդ կարող է տրամադրվել երկու անգամ մինչև երեք ժամով' նախապես գրաֆիկը գրավոր ճշտելով Պալատի Հաշվիչ հանձնաժողովի նախագահի հետ: Խնդրում ենք երեք օրվա ընթացքում գրավոր ներկայացնել Ձեր գրաֆիկը, եթե Ձեր ծրագրավորած օրը և ժամին կլինեն միջոցառումներ կամ դրանք կհամընկնեն մյուս թեկնածուի առաջարկած օրվա և ժամի հետ, ապա այդ հարցը լրացուցիչ կքննարկվի Ձեզ հետ.

6. տեղեկացնում ենք, որ Պալատի հաշվիչ հանձնաժողովի նիստերի օրվա և ժամի մասին կարող եք տեղեկանալ Պալատի կայքէջից:

Հարգանքով'

Հաշվիչ հանձնաժովի նախագահ' Ապ.Պողոսյան