Այսօր՝ 28.09.2021 թվականին ՀՀ փաստաբանների պալատում տեղի է ունեցել փաստաբան, ՀՀ փաստաբանների պալատի խորհրդի անդամ՝ Սեդրակ Ասատրյանի հիշատակի երեկոն:

     Միջոցառմանը հրավիրված էին Սեդրակ Ասատրյանի հարազատներն ու մտերիմները, ինչպես նաև փաստաբանները: Միջոցառմանը ներկա էին Սեդրակ Ասատրյանի կինը, որդին, հարազատները, ընկերներն ու ուսանողները:

     Միջոցառման ընթացքում ցուցադրվել է Սեդրակ Ասատրյանի մասին պատմող «Պայքարողը» տեսաֆիլմը:

     Ֆիլմից հետո, ներկաները ևս մեկ անգամ հիշել են Սեդրակ Ասատրյանի անցած ճանապարհը, վերհիշել են նրա խոսքերն ու խորհուրդները:

     ՀՀ փաստաբանների պալատի նախագահ Արա Զոհրաբյանը միջոցառման ավարտին նշել է. «Մենք կհիշենք Սեդրակ Ասատրյանին: Փաստաբանների պալատը կենդանի օրգանիզմ է և պետք է ունենա իր հիշողությունը: Հիշողություն այն մարդկանց նկատմամբ, ովքեր դեր ունեն այս ինստիտուտի զարգացման հարցում: Յուրաքանչյուր փաստաբան մեր մի մասնիկն է և մեզ համար թանկ է: Մենք պետք է միմյանց փայփայենք, պաշտպանենք և մեկս մյուսով, միասին ուժեղ լինենք, որ կարողանանք մեր ինստիտուտը պահել և զարգացնել»: