2021թ. հոկտեմբերի 21-ին ՀՀ փաստաբանների պալատում տեղի է ունեցել մասնագիտական ակումբի նիստ, որտեղ քննարկվել են «Անկանխիկ գործառնությունների մասին» ՀՀ օրենքի նախագծում տեղ գտած խնդրահարույց կարգավորումները:

     Քննարկմանը մասնակցել են ՀՀ փաստաբանների պալատի նախագահ Սիմոն Բաբայանը, նախագահի տեղակալներ Արմեն Ասատրյանը և Հարութ Ակլունցը, Ակումբի համակարգող Մարինե Ֆարմանյանը, Երիտասարդական խորհրդի նախագահ Միքայել Դանիելյանը և մի շարք փաստաբաններ:

     Ըստ «Անկանխիկ գործառնությունների մասին» ՀՀ օրենքի նախագծի` Փաստաբանական ծառայությունների մատուցման վճարների ընդունումը իրականացվում է անկանխիկ ձևով, եթե այլ բան նախատեսված չէ օրենսդրությամբ:

     Փաստաբանների կողմից ներկայացվել են նախագծի ընդունման արդյունքում առաջ եկող խնդիրները: Միաժամանակ ստեղծվել է մասնագիտական աշխատանքային խումբ, որը կիրականացնի իրավակարգավորման համապարփակ ուսումնասիրություն և հանդես կգա առաջարկություններով: