Հայաստանի Հանրապետության փաստաբանների պալատը հյուրընկալել է Եվրոպայի Խորհրդի Գլխավոր քարտուղարության Մարդու իրավունքների և օրենքի գերակայության գլխավոր տնօրինության համագործակցության ծրագրերի բաժնի և Մարդու իրավունքների եվրոպական դատարանի վճիռների կատարման վարչության պատվիրակությանը:

  Այցելության նպատակն էր քննարկել Հայաստան-Եվրոպայի խորհուրդ 2019-2022թթ․ գործողությունների ծրագրի՝ ԵԽ համակարգմամբ իրականացվող տարածաշրջանային ծրագրերի ընթացքը, ինչպես նաև նախատեսվող առաջիկա համագործակցությունը:

   Պատվիրակության կազմում էին Եվրոպայի խորհրդի Երևանյան գրասենյակի ղեկավար Մարտինա Շմիդտը, համագործակցության ծրագրերի բաժնի ղեկավար Լիլյա Գրետարստոդիրը, համագործակցության ծրագրերի բաժնի ղեկավարի տեղակալ Լիլիթ Դանեղյանը և ծրագրի ղեկավար Կարեն Կարապետյանը: 

   ՀՀ փաստաբանների պալատը, արժևորելով փոխհամագործակցության նմանատիպ այցերը, բարձր է գնահատում Եվրոպայի Խորհրդի դերը մարդու իրավունքների պաշտպանության, ինչպես նաև փաստաբանական ինստիտուտի զարգացման նպատակով միջազգային լավագույն փորձի ներդրմանն ուղղված քայլերը: