ՀՀ փաստաբանների պալատը հյուրընկալել է Եվրասիա միջազգային համալսարանի «Եվրասիա» ավագ դպրոցի հումանիտար հոսքի «Իրավագիտություն» և «Դիվանագիտություն» ենթահոսքերի աշակերտներին:

     Ողջունելով աշակերտներին՝ փաստաբանների պալատի նախագահի տեղակալ Հարութ Ակլունցը մանրամասն ներկայացրեց փաստաբանի դերն արդարադատության համակարգում, փաստաբանի գործառույթները, փաստաբան դառնալու ընթացակարգը և անհրաժեշտ պայմանները: Բացի այդ, աշակերտներն իրազեկվեցին Փաստաբանների պալատի, Հանրային պաշտպանի գրասենյակի և Փաստաբանական դպրոցի գործառույթների ու կառուցվածքի վերաբերյալ:

     Աշակերտները նաև շրջայց ունեցան Փաստաբանների պալատի վարչական շենքում, Փաստաբանական դպրոցում և Հանրային պաշտպանի գրասենյակում՝ ծանոթանալով աշխատանքային գործընթացին: