Այսօր՝ 2022 թվականի մայիսի 17-ին, Երևանի թիվ 104 հիմնական դպրոցի աշակերտները հյուրընկալվեցին Փաստաբանների պալատում:

   Աշակերտներին ողջունեց Փաստաբանների պալատի նախագահ Սիմոն Բաբայանը և նրանց ներկայացրեց Փաստաբանների պալատի գործառույթները, ինչպես նաև փաստաբանի առաքելությունը՝ արդարադատության համակարգում:

   Այցելուների հետ հանդիպեց նաև Փաստաբանների պալատի իրավական հարցերով փորձագետ Սոնա Խաչատրյանը: 

   Ողջունելով աշակերտներին՝ Սոնա Խաչատրյանը պատասխանեց փաստաբանության վերաբերյալ  հետաքրքրող բոլոր հարցերին:

   Աշակերտներին նաև հնարավորություն տրվեց շրջելու Փաստաբանների պալատի վարչական շենքում, Փաստաբանական դպրոցում և Հանրային պաշտպանի գրասենյակում՝ աշխատանքային գործընթացներին անմիջականորեն ծանոթանալու համար: