2023 թվականի հունվարի 23-ին տեղի ունեցավ ՀՀ փաստաբանների պալատի Կարգապահական հանձնաժողովի անդրանիկ նիստը:

 Նիստի մեկնարկից առաջ ՀՀ փաստաբանների պալատի նախագահ Սիմոն Բաբայանը հանդես եկավ ողջույնի խոսքով: Պալատի նախագահը գործընկերներին մաղթեց արդյունավետ աշխատանք՝ ի նպաստ փաստաբանական ինստիտուտի:

 Նիստին ներկա էին հանձնաժողովի բոլոր անդամները:

 Նիստի օրակարգում ընդգրկված էին հետևյալ հարցերը՝ հանձնաժողովի նախագահի և քարտուղարի  ընտրության:

 Հանձնաժողովի առաջին նիստը վարեց հանձնաժողովի  տարիքով ավագ անդամ  Հունան Բաբայանը:

 Հավաքված ձայների մեծամասնությամբ հանձնաժողովի նախագահ ընտրվեց Տաթևիկ Շալջյանը:

Փաստաբանների պալատի աշխատակազմի ղեկավարի կողմից՝ որպես հանձնաժողովի քարտուղար առաջարկվեց Պալատի աշխատակից Նոննա Համբարձումյանի թեկնածությունը, որը միաձայն ընդունվեց հանձնաժողովի անդամների կողմից և Նոննա Համբարձումյանը նշանակվեց հանձնաժողովի քարտուղար:

Ծանուցում

Հիշեցնենք, որ Կարգապահական հանձնաժողովը Փաստաբանների պալատում նոր ձևավորված մարմին է, որը լսելու է փաստաբաններին կարգապահական պատասխանատվության ենթարկելու վերաբերյալ բողոքները և քննարկելու է կարգապահական պատասխանատվության ենթարկելու հարցը:

Կարգապահական հանձնաժողովի գործառույթներն առավել մանրամասն ներկայացված է այստեղ: