Փաստաբանների պալատը հյուրընկալել էր Եվրասիա միջազգային համալսարանի ուսանողներին:

    Ողջունելով ուսանողներին՝ Փաստաբանների պալատի աշխատակազմի ղեկավար Լուսինե Սարգսյանը մանրամասն ներկայացրել է փաստաբանի դերն արդարադատության համակարգում, փաստաբան դառնալու ընթացակարգը, ինչպես նաև պատասխանել ուսանողների տարբեր հարցերի:   

   Ճանաչողական այցի շրջանակներում ուսանողներն անմիջականորեն ծանոթացել են նաև Փաստաբանների պալատի, Հանրային պաշտպանի գրասենյակի և Փաստաբանական ակադեմիայի գործառույթներին ու կառուցվածքին՝  շրջելով Փաստաբանների պալատի վարչական շենքում:

   Շրջայցը եզրափակվել է Հանրային պաշտպանի գրասենյակում, որտեղ գրասենյակի ղեկավարի տեղակալ Էդգար Գրիգորյանը ներկայացրել է հանրային պաշտպանության կարևորությունն ու հանրային պաշտպանների գործունեության առանձնահատկությունները: