Հայաստանի Հանրապետության փաստաբանների պալատի որակավորման հանձնաժողովի (այսուհետ՝ Հանձնաժողով) 26.04.2023 թվականի թիվ 2/1-Լ որոշմամբ հաստատել է որակավորման քննությունների կազմակերպման և անցկացման ժամանակացույցը։

Հանձնաժողովի 26.04.2023թ. որոշումներով հաստատվել (սահմանվել են) են նաև Որակավորման քննությունների գնահատման չափանիշները (2/3-Լ որոշում), ինչպես նաև դիմումների և այլ փաստաթղթերի ձևաթղթերը (2/2-Լ որոշում), որոնց կարող եք ծանոթանալ ՀՀ փաստաբանների պալատի կայքում (www.advocates.am, Պալատ ->  Որակավորման հանձնաժողով):

1. ՀՀ փաստաբանական ակադեմիան ավարտած ունկնդիրները 2023 թվականի որակավորման քննություններին մասնակցելու համար դիմումները և անհրաժեշտ փաստաթղթերը կարող են ներկայացնել ՀՀ փաստաբանների պալատ 2023թ. ապրիլի 26-ից մինչև 2023թ. մայիսի 3-ը (ներառյալ) ժամը 10.00-ից մինչև ժամը 18.00-ն (աշխատանքային օրերին)։

Փաստաթղթերի ցանկը սահմանված է ՀՀ փաստաբանների պալատի խորհրդի 13.01.2023թ. թիվ 2/4-Լ որոշմամբ հաստատված Որակավորման քննությունների կազմակերպման, ընդունման, անցկացման և հանձնման  կարգի 30-րդ կետում (www.advocates.am, Պալատ ->  Որակավորման հանձնաժողով):

2. «Փաստաբանության մասին» օրենքի 45.11-րդ հոդվածի 1-ին մասի 2-րդ և 3-րդ կետերում նշված անձինք 2023 թվականի որակավորման քննություններին մասնակցելու համար դիմումները և անհրաժեշտ փաստաթղթերը կարող են ներկայացնել ՀՀ փաստաբանների պալատ 2023թ. ապրիլի 26-ից մինչև 2023թ. մայիսի 12-ը (ներառյալ) ժամը 10.00-ից մինչև ժամը 18.00-ն (աշխատանքային օրերին)։

Փաստաթղթերի ցանկը սահմանված է ՀՀ փաստաբանների պալատի խորհրդի 13.01.2023թ. թիվ 2/4-Լ որոշմամբ հաստատված Որակավորման քննությունների կազմակերպման, ընդունման, անցկացման և հանձնման կարգի 31-րդ կամ 32-րդ կետում (www.advocates.am, Պալատ ->  Որակավորման հանձնաժողով):

Բեռնել ՀՀ փաստաբանական ակադեմիան ավարտած ունկնդիրների որակավորման քննությունների կազմակերպման և անցկացման ժամանակացույցը։

Բեռնել «Փաստաբանության մասին» օրենքի 45.11-րդ հոդվածի 1-ին մասի 2-րդ և 3-րդ կետերում նշված անձանց որակավորման քննությունների կազմակերպման և անցկացման ժամանակացույցը։