2023 թվականի մայիսի 17-ին Երևանում տեղի ունեցավ Սանկտ-Պետերբուրգի Փաստաբանների պալատի, «Սանկտ-Պետերբուրգի փաստաբանության ինստիտուտ»-ի և «Լիգալ Ֆորտ» փաստաբանների կոլեգիայի կողմից կազմակերպված երկրորդ միջազգային համաժողովը:

Միջազգային գործընկերների հրավերով ՀՀ փաստաբանների պալատի նախագահ Սիմոն Բաբայանը համաժողովի ընթացքում հանդես եկավ որպես բանախոս:

Բանախոսների թվում էին նաև Լենինգրադի մարզի փաստաբանների պալատի նախագահ Դենիս Լակտիոնովը  և Սանկտ Պետերբուրգի փաստաբանների պալատի նախագահի տեղակալ Ռուշան Չինոկաևը:

Պատասխանելով գործընկերների բազմաթիվ հարցերի, Սիմոն Բաբայանը ներկայացրեց փաստաբանության ինստիտուտը Հայաստանում՝ ընդգծելով  անկախ և ինքնակառավարվող փաստաբանության դերն ու նշանակությունը, ինչպես նաև դրա դերը պետության հետ փոխհարաբերություններում:

Համաժողովին ներկա էր նաև ՀՀ ՓՊ նախագահի առաջին տեղակալ Արմեն Ասատրյանը, փաստաբանական համայնքի մի շարք ներկայացուցիչներ Հայաստանից, Ռուսաստանից, Իտալիայից, իրավաբաններ և բիզնես ոլորտի ներկայացուցիչներ:

Ուշագրավն այն է, որ ռուս բանախոսների ելույթներում առանձնակի ուշադրության արժանացավ ՀՀ փաստաբանության ինստիտուտը և դրա կարգավիճակը սահմանող օրենսդրությունը:

Համաժողովի ընթացքում ՀՀ փաստաբանների պալատի նախագահ Սիմոն Բաբայանը միջազգային գործընկերներին հրավիրեց ՀՀ փաստաբանների պալատ: