ՀՀ փաստաբանների պալատում անցկացվեց «Փաստաբանների շախմատի գավաթ 2024» մրցաշարը, որին մասնակցում էին փաստաբաններ և ՀՀ փաստաբանական ակադեմիայի ունկնդիրներ:

 «Փաստաբանների շախմատի գավաթ» մրցաշարը ՀՀ փաստաբանների պալատի մարզամշակութային ակումբն  իրականացնում է ամեն տարի՝ հաշվի առնելով փաստաբանների հետաքրքրվածությունն այս ինտելեկտուալ մարզաձևի նկատմամբ:

 Այս տարի մրցաշարն իրականացվեց յոթ խաղափուլով՝ շվեյցարական համակարգով, որի արդյունքում հաղթողների կազմն ունեցավ հետևյալ տեսքը․

1֊ին տեղ՝

Կարեն Զոհրաբյան – ՀՀ փաստաբանական ակադեմիայի ունկնդիր

2-րդ տեղ՝

Զոհրակ Ապրեսյան – փաստաբան

3-րդ տեղ՝

Դավիթ Ղազարյան – փաստաբան

4-րդ տեղ՝

Կարեն Մեժլումյան  - փաստաբան

Պատվավոր տեղերը զբաղեցրած մասնակիցները պարգևատրվեցին պատվոգրերով և մեդալներով:

Պարգևները հանձնեց ՀՀ փաստաբանների պալատի նախագահ Սիմոն Բաբայանը:

Շնորհակալություն ենք հայտնում միջոցառմանը մասնակցած մեր բոլոր գործընկերներին: