Հարգելի՛ փաստաբաններ,

ՀՀ փաստաբանների պալատը Երեխաների իրավունքների պաշտպանության տոնին ընդառաջ 7-ից 15 տարեկան երեխաների համար հայտարարում է «ԻՄ ՀԱՅՐԵՆԻՔԸ» խորագրով շարադրությունների մրցույթ:

Շարադրությունները չունեն տեքստային կամ քանակական սահմանափակում:

Խնդրում ենք աշխատանքներն ուղարկել [email protected] հասցեին մինչև մայիսի 29-ը՝  ստեղծագործական աշխատանքին կից նշելով երեխայի անունը, հայրանունը, ազգանունը, դպրոցի անվանումը, դասարանը և հեռախոսահամար։

Արդյունքները ստուգվելու են Երևանի պետական համալսարանի բանասիրության և Հայ-Ռուսական համալսարանի ժուռնալիստիկայի ամբիոնի մասնագետների կողմից և անաչառության սկզբունքը պահպանելու համար ստուգող հանձնաժողովում չի լինելու ՀՀ փաստաբանների պալատի ներկայացուցիչ:

 Լավագույն  շարադրությունների հեղինակներին մրցանակները կհանձնվեն հունիսի մեկին կայանալիք միջոցառումների ընթացքում:

Հարցերի դեպքում կարող եք կապ հաստատել ՀՀ փաստաբանների պալատի մամուլի խոսնակ Սիլվի Տիգրանյանի հետ՝   010 600 704 (ներքին համար՝ 113) կամ 077 96 06 37 հեռախոսահամարներով:

Մաղթում ենք հաջողություն Ձեր երեխային:

Հարգանքով՝

ՀՀ փաստաբանների պալատի մամուլի ծառայություն