Այսօր՝ 2024թ․ հոկտեմբերի 17-ին փաստաբան Մաի Հակոբյանի որդին՝ 44-օրյա պատերազմում նահատակված Հրաչիկ  Ավետիսյանը կդառնար 24 տարեկան:

ՀՀ փաստաբանների պալատի, Փաստաբանական ակադեմիայի և Հանրային պաշտպանի գրասենյակի ներկայացուցիչներն այցելել են «Եռաբլուր» զինվորական պանթեոն, հարգանքի տուրք մատուցել նահատակի շիրիմին:

Այնուհետև, ի հիշատակ Հրաչիկ Ավետիսյանի, մատուցվել է հոգեհանգստի արարողակարգ Զորավոր Սուրբ Աստվածածին եկեղեցում:

Փաստաբանները ծաղիկներ են  խոնարհել նաև իրենց մյուս գործընկերոջ ՝ փաստաբան Խաչիկ Դանիելյանի՝ պատերազմում զոհված որդու՝ Միքայել Դանիելյանի շիրիմին:

Փաստաբանների պալատն իր պարտքն է համարում մշտապես լինել գործընկերների կողքին և Փաստաբանների պալատի նախաձեռնության համաձայն  ամեն տարի փաստաբանական համայնքն իր հարգանքի տուրքն է մատուցելու մեր նահատակների ընտանիքներին: