Հարգելի փաստաբաններ,

Սույնով Դուք ծանուցվում եք այն մասին, որ 2025 թվականի փետրվարի 10-ին, ժամը 09⁰⁰-ից մինչև 18⁰⁰-ն ՀՀ փաստաբանների պալատի` Երևան քաղաքի Զաքյան 7-2 հասցեում գտնվող վարչական շենքի 2-րդ հարկի սրահում, հեռակա կարգով (առանց ընդհանուր ժողովի գումարման) տեղի է ունենալու Հայաստանի Հանրապետության փաստաբանների պալատի ընդհանուր ժողով՝ հետևյալ օրակարգային հարցերով.

• ՀՀ փաստաբանների պալատի խորհրդի  անդամների ընտրություն:
• «ՀՀ հարկային օրենսգրքում փոփոխություններ կատարելու մասին» 12.06.2024 թվականին ընդունված թիվ ՀՕ-285-Ն օրենքի՝ փաստաբանությանը առնչվող խնդրահարույց կարգավորումները դատապարտող հայտարարության ընդունում:

1.    Օրակարգային հարցերով քվեարկությունը (ընտրությունը) սկսվում է 2025 թվականի փետրվարի 10-ին, ժամը 09⁰⁰-ից և ավարտվում է նույն օրը՝ ժամը  18⁰⁰-ին:
2.    ՀՀ փաստաբանների պալատի խորհրդի անդամների թեկնածուների առաջադրումը (ինքնաառաջադրումը) սկսվում է 2025 թվականի հունվարի 13-ից (ներառյալ) և ավարտվում է 2025 թվականի հունվարի 18-ին (ներառյալ).
3.    ՀՀ փաստաբանների պալատի խորհրդի անդամների թեկնածուների քարոզչությունը սկսվում է 2025 թվականի հունվարի 19-ից (ներառյալ) և ավարտվում է 2025 թվականի փետրվարի 8-ին, ժամը 18⁰⁰-ին։
4.   2025 թվականի փետրվարի 9-ը համարվում է լռության օր:
5.   Յուրաքանչյուր փաստաբան քվեարկությանը պետք է մասնակցի անձամբ:
6.   Քվեարկության օրը պետք է ներկայանալ անձը հաստատող փաստաթղթով կամ փաստաբանի վկայականով
7.  Վարկանիշային կարգով գաղտնի քվեարկության ժամանակ ընտրողը նշում է կատարում խորհրդի անդամների իր նախընտրած թեկնածուների օգտին, որը չպետք է գերազանցի` 6 (վեց) թեկնածուների թվաքանակը:
8.  Քվեարկության գաղտնիությունը քվեարկող փաստաբանի համար ոչ միայն իրավունք է, այլև՝ պարտականություն:
9.   ՀՀ փաստաբանների պալատի ընդհանուր ժողովի «ՀՀ հարկային օրենսգրքում փոփոխություններ կատարելու մասին» 12.06.2024 թվականին ընդունված թիվ ՀՕ-285-Ն օրենքի՝ փաստաբանությանը առնչվող խնդրահարույց կարգավորումները դատապարտող հայտարարության նախագիծը ՀՀ փաստաբանների պալատի կայքէջում հրապարակվելու է ընդհանուր ժողովի հրավիրված օրվանից ոչ ուշ քան առնվազն 14 օր առաջ: Հայտարարության վերաբերյալ փոփոխություններ կամ լրացումներ կատարելու առաջարկները կարող եք գրավոր ներկայացնել ՀՀ փաստաբանների պալատի աշխատակազմ նախագիծը Պալատի պաշտոնական կայքէջում հրապարակվելու օրվանից յոթնօրյա ժամկետում:

Ընդհանուր ժողովի հետ կապված անհրաժեշտ այլ տեղեկություններին կարող եք ծանոթանալ ՀՀ փաստաբանների պալատի www.advocates.am կայքէջից: