Հայաստանի Հանրապետության փաստաբանների պալատի խորհուրդը, հաշվի առնելով նաև փաստաբանների դիտողությունները և առաջարկությունները, 2025թ. փետրվարի 7-ին հաստատել է ընդհանուր ժողովին ներկայացված «ՀՀ հարկային օրենսգրքում փոփոխություններ կատարելու մասին» 12.06.2024 թվականին ընդունված թիվ ՀՕ-285-Ն օրենքի՝ փաստաբանությանը առնչվող խնդրահարույց կարգավորումները դատապարտող հայտարարության նախագիծը:

Բեռնել՝ հայտարարության նախագիծը

Հ.Գ. Հիշեցնենք, որ 2025թ. փետրվարի 10-ին (երկուշաբթի օրը) ընդհանուր ժողովի ժամանակ փաստաբաններն իրենց քվեարկությամբ պետք է ընդունեն հայտարարությունը:

Հայտարարությանը կողմ լինելու դեպքում քվեարկությունը (նշումը) կատարվում է «Կողմ» սյունակում, իսկ դեմ լինելու դեպքում՝ «Դեմ» սյունակում: