Հարգելի՛ գործընկերներ,

ՀՀ փաստաբանների պալատի մարզամշակութային ակումբը 2025թ. հունիսի 08‑ին (կիրակի) ժամը 10:00-ից 14:00 կազմակերպում է «Փաստաբանների շախմատի գավաթ 2025» մրցաշար: Մրցաշարը տեղի կունենա ՀՀ փաստաբանների պալատի վարչական շենքի 4-րդ հարկում (հասցեն՝ ք․ Երևան Զաքյան 7-2):

Շախմատի մրցաշարին կարող են մասնակցել ՀՀ փաստաբանների պալատի և Արցախի փաստաբանների պալատի փաստաբանները, Փաստաբանական ակադեմիայի ունկնդիրները, ինչպես նաև ՀՀ փաստաբանների պալատի և Փաստաբանական ակադեմիայի աշխատակազմերի աշխատակիցները:

Մասնակցության ցանկության դեպքում անհրաժեշտ է մինչև սույն թվականի հունիսի 06-ը զանգահարել 010 600 701 հեռախոսահամարին կամ հետադարձ հաղորդագրությամբ հայտնել այդ մասին՝ նշելով Ձեր անունը, ազգանունը, արտոնագրի և հեռախոսի համարները:

Մրցաշարում 1-ից 4-րդ տեղերը զբաղեցրած մասնակիցները կպարգևատրվեն պատվոգրերով և մեդալներով:

Մրցաշարի արդյունքներով լավագույն խաղացողներից  կձևավորվի ՀՀ փաստաբանների պալատի շախմատի հավաքական թիմը (կամ թիմերը):

Հարգանքով՝

ՀՀ փաստաբանների պալատի

մարզամշակութային ակումբ