2025 թվականի հոկտեմբերի 7-ին «Փաստաբանությունը Հայաստանի Հանրապետությունում» դասընթացի շրջանակներում ՀՀ Գիտությունների ակադեմիայի գիտակրթական միջազգային կենտրոնի իրավագիտության ամբիոնի մագիստրատուրայի ուսանողները ճանաչողական այցով հյուրընկալվել են ՀՀ փաստաբանների պալատում:

ՀՀ փաստաբանների պալատի նախագահ Սիմոն Բաբայանը ապագա իրավաբաններին ներկայացրել է Պալատի կառուցվածքը, փաստաբանական գործունեության առանձնահատկությունները, ինչպես նաև պատասխանել է ուսանողների մի շարք հարցերի, որոնք վերաբերվում էին փաստաբանի վարքագծին, հանրային պաշտպանների աշխատանքին ու արդար դատաքննության իրականացմանը:

Այնուհետև հյուրընկալված ուսանողներին հնարավորություն է ընձեռնվել շրջելու Փաստաբանների պալատի վարչական շենքում, ծանոթանալու Փաստաբանների պալատում, Փաստաբանական Ակադեմիայում և Հանրային պաշտպանի գրասենյակում տարվող աշխատանքներին: