Այսօր՝ 2025 թվականի նոյեմբերի 20-ին, Հայաստանի Հանրապետության փաստաբանների պալատում տեղի է ունեցել փաստաբանական գրասենյակների ներկայացուցիչների կլոր սեղան-քննարկում:

Քննարկման շրջանակներում ՀՀ փաստաբանների պալատի նախագահ Սիմոն Բաբայանը առաջարկել է  Փաստաբանների պալատի կազմում ստեղծել փաստաբանական գրասենյակների զարգացմանը և ընթացիկ խնդիրների լուծմանը աջակցող Փաստաբանական գրասենյակների միություն:

Գործընկերներին ներկայացվել է նախաձեռնության անհրաժեշտությունն ու նպատակը՝ հաշվի առնելով այսպիսի հարթակ ունենալու պահանջարկը և արդիականությունը:

Փաստաբանական գրասենյակների ներկայացուցիչները ողջունել են նախաձեռնությունը և հանդես եկել արդյունավետ առաջարկներով ու մտահաղացումներով:

Հանդիպման ընթացքում քննարկվել են նաև Փաստաբանական գրասենյակների EXPO ցուցահանդես կազմակերպելու, Փաստաբանական գրասենյակի աշխատանքների էլեկտրոնային կառավարման հարթակ  մշակելու և այլ առանցքային հարցեր: