2026 թվականի հուլիսի 22-ին ՀՀ փաստաբանների պալատի երիտասարդական խորհրդի նախաձեռնությամբ տեղի է ունեցել «Պարտադիր հաշտարարություն․ մեծ քննարկում» խորագրով պանելային քննարկումը։

Քննարկման մեկնարկին ներկաներին ողջունել է ՀՀ փաստաբանների պալատի նախագահ Սիմոն Բաբայանը:

Բանախոսությամբ հանդես են եկել ՀՀ փաստաբանների պալատի աշխատակազմի ղեկավար Լուսինե Սարգսյանը, ՀՀ հաշտարարների պալատի նախագահ Գայանե Դեմիրչյանը,  Երևան քաղաքի առաջին ատյանի ընդհանուր իրավասության քաղաքացիական դատարանի դատավոր Դանիել Մխեյանը։

Միջոցառման ընթացքում ամփոփվել են ամուսնաընտանեկան վեճերով պարտադիր հաշտարարության կիրառման առաջին տարվա արդյունքները, ձեռքբերումները և գործնականում ի հայտ եկած խնդիրները։

Պարտադիր հաշտարարության ընթացքն ու արդյունավետությունը ներկայացվել և քննարկվել են երեք հիմնական տեսանկյունից՝ հաշտարարի, դատավորի և  փաստաբանական համայնքի։

Քննարկումը հնարավորություն է տվել մեկ հարթակում համադրելու պարտադիր հաշտարարության գործընթացում անմիջականորեն ներգրավված մասնագետների փորձը, գնահատականներն ու առաջարկները՝ նպաստելով առկա խնդիրների բացահայտմանը և ինստիտուտի հետագա կատարելագործմանն ուղղված մասնագիտական երկխոսությանը։