«Երիտասարդ փաստաբանների ամառային ճամբար 2026»․ քննարկում
17.11.2026 16:29
Մեկնարկել է ՀՀ փաստաբանների պալատի կողմից կազմակերպված «Երիտասարդ փաստաբանների ճամբար 2026»-ը, որն իրականացվում է արդեն երկրորդ անգամ:
Միջոցառման մեկնարկին փաստաբանական համայնքի երիտասարդ ներկայացուցիչներին ողջունել են ՀՀ փաստաբանների պալատի նախագահ Սիմոն Բաբայանը, Պալատի նախագահի առաջին տեղակալ Հարութ Ակլունցը և ՄԱԶԾ Հայաստան, Սահմանադրական բարեփոխումների ծրագրի համակարգող՝ Լառա Պետրոսյանը:
Այնուհետև տեղի է ունեցել պանելային քննարկում «Փաստաբանության ապագան նոր սերնդի տեսանկյունից․ բաց երկխոսություն Պալատի հետ» թեմայով:
Քննարկմանը բանախոսությամբ հանդես են եկել՝
- Սիմոն Բաբայանը` ՀՀ փաստաբանների պալատի նախագահ
- Ռոման Ահարոնյանը` ՀՀ փաստաբանական ակադեմիայի պրոռեկտոր, Պալատի խորհրդի անդամ
- Վարազդատ Հարությունյանը` ՀՀ փաստաբանների պալատի խորհրդի անդամ, «Ֆիդելիս» փաստաբանական գրասենյակի հիմնադիր
- Արմինե Ֆանյանը` փաստաբան, ՀՀ փաստաբանական ակադեմիայի ուսումնական դեպարտամենտի ղեկավար
- Քննարկումը վարել է Սիլվի Տիգրանյանը` ՀՀ փաստաբանների պալատի մամուլի խոսնակ:
Այս միջոցառմանն աջակցել է Դանիայի, Լյուքսեմբուրգի և Կորեայի Հանրապետության կառավարությունների կողմից ֆինանսավորվող և ՄԱԿ-ի Զարգացման ծրագրի կողմից իրականացվող «Մարդու իրավունքների խթանում, արդարադատության մատչելիության ապահովում, փախստականների և ընդունող համայնքների համար միասնական և աջակցող միջավայրի ձևավորում» ծրագիրը։
Բեռնել
Վերադառնալ






















