ՙՓաստաբանների Միջազգային Միություն՚ հայաստանյան ներկայացուցչությունը, ՀՀ փաստաբանների պալատի և ՀՀ Փաստաբանական դպրոց հիմնադրամի հետ համատեղ ս/թ մայիսի 26-ից մինչև հունիսի 01-ը (7 օր/6 գիշեր) կազմակերպում է այցելություն Փարիզ և Ստրասբուրգ քաղաքներ ծանոթանալու Մարդու Իրավունքների Եվրոպական Դատարանի (ք. Ստրասբուրգ), Եվրոպական Արբիտրաժային Պալատի (ք.Փարիզ) և Փարիզի փաստաբանական գրասենյակի առանձնահատուկ աշխատանքներին։

Դասընթացի ավարտին տրվելու է հատուկ Եվրոպական Հավաստագիր։

Գիտաուսումնական այցին մասնակից փաստաբաններին ՀՀ փաստաբանական պալատը հաշվարկելու է տարեկան 20 ժամյա պարտադիր վերապատրաստման դասընթացները:

Այցի հիմնական նպատակն է' ծանոթություն երկու Եվրոպական միջազգային ինստիտուտների, Մարդու Իրավունքների Եվրոպական Դատարանի (ք.Ստրասբուրգ) և Եվրոպական Արբիտրաժային պալատի (ք. Փարիզ), ինչպես նաև Եվրախորհրդի, Ֆրանսիայի Ազգային ժողովի, Փարիզի փաստաբանական և նոտարական գրասենյակների առանձնահատուկ աշխատանքներին։ Մասնակիցներին հնարավորություն է ընձեռվում տեղում ծանոթանալ դատարանի աշխատանքների առանձնահատկություններին, այցելել Մարդու Իրավունքների Եվրոպական Ինստիտուտ, ինտերակտիվ սեմինարի ընթացքում շփվել այդ ինստիտուտների առաջատար մասնագետների հետ։ Մասնակիցները կծանոթանան նաև Փարիզյան փաստաբանական գրասենյակներից մեկի առօրյա աշխատանքին, ինչպես նաև կայցելեն Ֆրանսիայի Ազգային Ժողով և Արդարադատության Պալատ:
Եվրախորհուրդ և Մարդու Իրավունքների Եվրոպական Դատարան այցելության ժամանակ մասնակիցներին հնարավորություն կընձեռվի հանդիպել առաջատար իրավաբանների և Մարդու Իրավունքների Եվրոպական Դատարանում Հայաստանը ներկայացնող դատավոր

Նշված ծրագրին մասնակցելու համար անհրաժեշտ է մինչև ս.թ. մարտի 23-ը գրանցվել [email protected] հասցեին կամ զանգահարել (010) 32-26-05 հեռախոսահամարին “Փաստաբանների Միջազգային Միության” հայաստանյան ներկայացուցչություն, հայտնելով Ձեր անուն, ազգանունը և հեռախոսահամարը: Ուղևորության ընդհանուր արժեքի 50% վճարում եք մինչև ապրլի 15-ը, մնացած 50% մինչև ապրիլի 30-ը:

Հ.Գ. Ծրագրի շրջանակներում ուսումնասիրվում է լրացուցիչ այցելություններ Ֆրանսիայի Նախագահի նստավայր և հանրահայտ Բադեն-Բադեն (Գերմանիա) առողջարանային քաղաք ։
Առկա է տարբեր Եվրոպական երկրների մասնակցությամբ այս իրադարձության անցկացման լավագույն փորձը։

Կից հավելվածում' ծանոթացեք ծրագրին, օրակարգին և մասնակցության պայմաններին։

Հավելված