Հայաստանի Հանրապետության փաստաբանների պալատ նամակ է ուղարկել քաղաքացի Մարիամ Հակոբյանը: Նա շնորհակալություն է հայտնում փաստաբան Հասմիկ Մարտիրոսյանից բարեխիղճ աշխատանքի համար: Նամակում քաղաքացին մասնավորապես գրում է. ՙԵս՝ Մարիամ Հակոբյանս, ցանկանում եմ Շնորհակալություն հայտնել Ձեր Փաստաբանական պալատի անդամ փաստաբան Հասմիկ Եղնիկի Մարտիրոսյանին /արտոնագիր 1484/: Քանի որ նրա կողմից ցուցաբերված վերաբերմունքը թե մասնագիտական և թե բարոյական տեսանկյունից անգնահատելի է: Ինձ համար դժվարին պահին նա միշտ եղել է իմ կողքին, նույնիսկ այն դեպքում, երբ դա չէր մտնում իր պարտավորությունների մեջ: Նա ինձ տվեց ոչ միայն փաստաբանական օգնություն, այլ նաև հոգեբանական՝ հարցին վերաբերվելով որպես բարձր գիտելիքներ ունեցող և պրոֆեսիոնալ մասնագետ: Հունաստանի Հանրապետությունից գալով Երևան միայն խաբվել ու հուսախաբվել էի, հավատս կորցրել էի, որ երբևէ ինձ համար արդեն անհույս դարձած այդ գործը այսքան սեղմ ժամկետում կունենա իր դրական ավարտը: Ես շնորհակալություն եմ հայտնում Ձեզ, որ ունեք այսպիսի փաստաբան, ում կողքին քաղաքացիները իրենց զգում են ապահով և պաշտպանված: Հասմիկը բարձր մարդկային արժեքների տեր անձնավորություն է, նրա վերաբերմունքը, անսահման հոգատարությունը աննկարագրելի են: Նաև ցանկանում եմ նշել, որ Հասմիկ Մարտիրոսյանը այս ամենը արել է անվճար՚: